തിരുവനന്തപുരം: ഐ.എൻ.ടി.യു.സി കോൺഗ്രസിന്റെ പോഷകസംഘടനയല്ലെന്ന പ്രതിപക്ഷനേതാവ് വി.ഡി. സതീശന്റെ പ്രതികരണത്തിൽ പാർട്ടി നിലപാട് ഉടൻ അറിയണമെന്ന് കഴിഞ്ഞ ദിവസം രാത്രിയിൽ ചേർന്ന സംഘടനാ നേതൃയോഗം ആവശ്യപ്പെട്ടു.

രണ്ട് ദിവസം കാത്ത ശേഷം ശക്തമായി പ്രതികരിക്കാൻ സംസ്ഥാന പ്രസിഡന്റ് ആർ. ചന്ദ്രശേഖരനെ യോഗം ചുമതലപ്പെടുത്തി. ചന്ദ്രശേഖരനാണ് ജില്ലാ പ്രസിഡന്റുമാരുടെ ഓൺലൈൻ യോഗം വിളിച്ചുചേർത്തത്.

അതേസമയം, കോൺഗ്രസിന്റെ അവിഭാജ്യഭാഗമാണ് ഐ.എൻ.ടി.യു.സി എന്ന് കഴിഞ്ഞ ദിവസം വി.ഡി.സതീശൻ കോട്ടയത്ത് നിലപാട് മയപ്പെടുത്തിയത് ശുഭസൂചനയായി സംഘടനാ നേതൃത്വം കാണുന്നുണ്ട്. എന്നാൽ, ഐ.എൻ.ടി.യു.സിയെ തള്ളിപ്പറയുമ്പോൾ സതീശന്റെ ശരീരഭാഷ പോലും തങ്ങളെ അവഹേളിക്കുന്ന തരത്തിലായിരുന്നെന്നാണ് ഒരു വിഭാഗത്തിന്റെ ആക്ഷേപം.

കെ.പി.സി.സി പ്രസിഡന്റ് കെ.സുധാകരൻ ഇതുവരെ നിലപാട് വ്യക്തമാക്കിയിട്ടില്ല. ഐ.എൻ.ടി.യു.സിയെ വി.ഡി.സതീശൻ തള്ളിപ്പറഞ്ഞിട്ടില്ലെന്ന് വിലയിരുത്തുന്ന നേതൃത്വം അനാവശ്യ വിവാദങ്ങൾ വേണ്ടെന്ന നിലപാടിലാണ്. ഉമ്മൻചാണ്ടിയോ രമേശ് ചെന്നിത്തലയോ അനുകൂലിച്ചോ പ്രതികൂലിച്ചോ പ്രതികരിച്ചിട്ടില്ല. കാത്തിരുന്ന് കാണാമെന്ന നിലപാടിലാണ് എ, ഐ ഗ്രൂപ്പ് നേതൃത്വങ്ങൾ.

അതേസമയം, വിഷയം ആളിക്കത്തിക്കുന്നത് ചില നേതാക്കളുടെ അറിവോടെയാണെന്ന സംശയമാണ് സതീശന്റെ ക്യാമ്പിനുള്ളത്. തന്റെ പ്രതികരണത്തെ തെറ്റായി വ്യാഖ്യാനിച്ച് ഊതിപ്പെരുപ്പിച്ചത് ഈ നേതാക്കളാണെന്നാണ് അദ്ദേഹം കരുതുന്നത്. രാഷ്ട്രീയ മുതലെടുപ്പ് നടത്താൻ ഒരു കുത്തിത്തിരിപ്പ് സംഘം പ്രവർത്തിക്കുന്നുണ്ടെന്നും ചങ്ങനാശ്ശേരിയിലെ സംഭവത്തിന് പിന്നിലും ആ സംഘമുണ്ടെന്നും സതീശൻ കഴിഞ്ഞ ദിവസം പറഞ്ഞത് ഇത്തരം സംശയങ്ങൾ മനസ്സിൽ വച്ചാണ്.

ഐ.എൻ.ടി.യു.സിയെ പോഷകസംഘടനയായി എ.ഐ.സി.സി അംഗീകരിച്ചതാണെന്നും 2009 മുതലിങ്ങോട്ട് ട്രേഡ് യൂണിയൻ സമരങ്ങളെല്ലാം സോണിയാഗാന്ധിയുടെ പൂർണ പിന്തുണയോടെയാണെന്നും സംഘടനാ നേതൃത്വം പറയുന്നു.

നാല് വർഷം മുമ്പ് പ്രധാനമന്ത്രി നരേന്ദ്രമോദി ഐ.എൻ.ടി.യു.സിയെ മാത്രം ഒഴിവാക്കിക്കൊണ്ട് ട്രേഡ് യൂണിയനുകളുടെ സംയുക്തയോഗം വിളിച്ചപ്പോൾ, ഐ.എൻ.ടി.യു.സിയെ പങ്കെടുപ്പിക്കാതെ സഹകരിക്കാനാവില്ലെന്ന് ആദ്യം കത്ത് നൽകിയത് സി.ഐ.ടി.യു ജനറൽസെക്രട്ടറി തപൻസെൻ ആണ്. സി.ഐ.ടി.യുവുമായി സഹകരിച്ചാണ് ട്രേഡ് യൂണിയൻ പണിമുടക്ക് ഇത്തവണയുമുണ്ടായത്. അതിന്റെ സംസ്ഥാന ജനറൽ സെക്രട്ടറിക്കെതിരെ ഒരു ദൃശ്യമാദ്ധ്യമത്തിലെ അവതാരകൻ മോശം ഭാഷയിൽ പ്രതികരിച്ചപ്പോൾ പണിമുടക്കിയ സംഘടനകളെല്ലാം പ്രതിഷേധിച്ചത് സ്വാഭാവികമാണ്. അതിനെ തള്ളിപ്പറഞ്ഞത് അപമാനിക്കുന്നതിന് തുല്യമാണെന്നാണ് പൊതു അഭിപ്രായം.

 സ​തീ​ശ​നെ​തി​രെ​ ​കോ​ട്ട​യം​ ​ഡി.​സി.​സി​ ​പ്ര​സി​ഡ​ന്റ് അ​റി​ഞ്ഞ് ​കേ​ട്ട് ​ചാ​ത്തം​ ​ഉ​ണ്ണാ​ൻ​ ​പോ​കാ​റി​ല്ല

​കോ​ട്ട​യ​ത്ത് ​വി.​ഡി.​സ​തീ​ശ​ൻ​ ​പ​ങ്കെ​ടു​ത്ത​ ​യു.​ഡി.​എ​ഫ് ​ജി​ല്ലാ​ ​ക​മ്മി​റ്റി​യു​ടെ​ ​സി​ൽ​വ​ർ​ലൈ​ൻ​ ​വി​രു​ദ്ധ​ ​ജ​ന​കീ​യ​ ​സ​ദ​സ് ​ബ​ഹി​ഷ്ക​രി​ച്ച​തി​ന് ​പി​ന്നാ​ലെ​ ​സ​തീ​ശ​നെ​തി​രെ​ ​ആ​രോ​പ​ണ​വു​മാ​യി​ ​ഡി.​സി.​സി​ ​പ്ര​സി​ഡ​ന്റ് ​നാ​ട്ട​കം​ ​സു​രേ​ഷ്.​ ​പ്ര​തി​പ​ക്ഷ​ ​നേ​താ​വ് ​ജി​ല്ല​യി​ൽ​ ​പ​ങ്കെ​ടു​ക്കു​ന്ന​ ​പ​രി​പാ​ടി​യെ​ക്കു​റി​ച്ച് ​ഡി.​സി.​സി​ ​പ്ര​സി​ഡ​ന്റി​നെ​ ​അ​റി​യി​ക്കേ​ണ്ട​താ​ണ്.​ ​ര​മേ​ശ് ​ചെ​ന്നി​ത്ത​ല​ ​കോ​ട്ട​യ​ത്ത് ​വ​രു​മ്പോ​ഴെ​ല്ലാം​ ​അ​റി​യി​ക്കും.​ ​ഉ​മ്മ​ൻ​ചാ​ണ്ടി​യും​ ​കെ.​പി.​സി.​സി​ ​പ്ര​സി​ഡ​ന്റും​ ​അ​ട​ക്ക​മു​ള്ള​ ​നേ​താ​ക്ക​ളും​ ​അ​റി​യി​ക്കും.​ ​അ​റി​ഞ്ഞ് ​കേ​ട്ട് ​ചാ​ത്തം​ ​ഉ​ണ്ണാ​ൻ​ ​പോ​കാ​റി​ല്ലാ​ത്ത​തി​നാ​ലാ​ണ് ​ച​ട​ങ്ങി​ൽ​ ​നി​ന്ന് ​വി​ട്ടു​നി​ന്ന​ത്.​ ​ഡി.​സി.​സി​ ​പ്ര​സി​ഡ​ന്റെ​ന്ന​ ​പ​ദ​വി​യു​ടെ​ ​രാ​ഷ്ട്രീ​യ​ ​മ​ഹ​ത്വം​ ​ഉ​യ​ർ​ത്തി​പ്പി​ടി​ക്കു​ന്ന​തി​ന് ​വേ​ണ്ടി​യാ​ണ് ​യോ​ഗ​ത്തി​ൽ​ ​നി​ന്ന് ​വി​ട്ടു​നി​ന്ന​തെ​ന്നും​ ​അ​ദ്ദേ​ഹം​ ​പ​റ​ഞ്ഞു.