ആർ.ജെ.ഡി 27 -ാം പിറന്നാളാഘോഷം

കൊച്ചി: ലാലുപ്രസാദ് യാദവ് നയിക്കുന്ന ആർ.ജെ.ഡിയുടെ 27-ാം സ്ഥാപകദിനം ജില്ലയിൽ ആഘോഷിച്ചു. എം.വി ശ്രേയംസ്‌കുമാർ പ്രസിഡന്റായ സംസ്ഥാനഘടകം എൽ.ഡി.എഫിലാണ് പ്രവർത്തിക്കുന്നത്.

1997 ജൂലായ് അഞ്ചിന് രൂപീകരിക്കപ്പെട്ട ആർ.ജെ.ഡി ദേശീയരാഷ്ട്രീയത്തിൽ ബി.ജെ.പിക്കെതിരെ പ്രതിപക്ഷ പാർട്ടികളെ ഒന്നിച്ചു നിറുത്തുന്നതിൽ പ്രധാനപങ്ക് വഹിക്കുന്നതായി ദേശീയ ജനറൽ സെക്രട്ടറി അനു ചാക്കോ പറഞ്ഞു. ഇന്ത്യാ മുന്നണിയുടെ രൂപീകരണത്തിലും വളർച്ചയിലും പങ്ക് വഹിച്ചു. ബി.ജെ.പിയോട് ഒരിക്കലും സന്ധി ചെയ്തിട്ടില്ലാത്ത പാർട്ടിയാണ് ആർ.ജെ.ഡി. ബീഹാറിൽ കോൺഗ്രസിനും കമ്മ്യൂണിസ്റ്റ് പാർട്ടികൾക്കും തണലായി നിൽക്കുന്നത് ലാലുപ്രസാദ് യാദവാണ്. ജനാധിപത്യ സോഷ്യലിസ്റ്റ് പാരമ്പര്യമാണ് പാർട്ടി തുടരുന്നതെന്നും അവർ പറഞ്ഞു.