'തണൽ ഭവനം' കൂദാശ

ബുധനൂർ: സെന്റ് ഏലിയാസ് യുവജനപ്രസ്ഥാനത്തിന്റെ നേതൃത്വത്തിൽ കേന്ദ്ര യുവജന പ്രസ്ഥാനത്തിന്റെ നവതിയോടനുബന്ധിച്ച് തണൽ ഭവന നിർമ്മാണ പദ്ധതിയുടെ ഭാഗമായി നിർമ്മിച്ച ഭവനത്തിന്റെ കൂദാശ ചെങ്ങന്നൂർ ഭദ്രാസന മെത്രാപ്പോലീത്താ ഡോ.മാത്യൂസ് മാർ തീമോത്തിയോസിന്റെ മുഖ്യകാർമ്മികത്വത്തിൽ നടന്നു. ഇടവക വികാരി ഫാ.ജിയോ എം.സോളമന്റെ അദ്ധ്യക്ഷതയിൽ കൂടിയ യോഗം ഡോ.മാത്യൂസ് മാർ തീമോത്തിയോസ് ഉദ്ഘാടനം ചെയ്തു. ഒ.സി.വൈ.എം കേന്ദ്ര വൈസ് പ്രസിഡന്റ് ഫാ.ഷിജി കോശി, ഭദ്രാസന സെക്രട്ടറി ഫാ.പി.കെ കോശി, യുവജനപ്രസ്ഥാനം ഭദ്രാസന വൈസ് പ്രസിഡന്റ് ഫാ.തോമസ് കടവിൽ, ഫാ.ജാൾസൺ പി.ജോർജ്, ഇടവക ട്രസ്റ്റി ഷാജി ജോർജ്, സജി പട്ടരുമഠം, റോബിൻ ജോ വർഗീസ്, പദ്ധതിയുടെ കൺവീനർമാരായ അജു വർഗീസ്, ജോഫിൻ എം.സി, ബിജോയ് വേണാട്ടിൽ എന്നിവർ സംസാരിച്ചു.