സമ്മേളനവും പ്രസംഗ മത്സരവും

കൊച്ചി: മലയാളം ടോസ്റ്റ്മാസ്റ്റേഴ്‌സ് ക്ലബ്ബുകളുടെ കൂട്ടായ്മയുടെ വാർഷിക സമ്മേളനവും പ്രസംഗമത്സരവും പുത്തൻകുരിശിലെ മുത്തൂറ്റ് ഇൻസ്റ്റിറ്റ്യൂട്ട് ഒഫ് ടെക്‌നോളജി ആൻഡ് സയൻസിൽ 27, 28 തീയതികളിലായി നടന്നു. പ്രൊഫ. എം.കെ. സാനു ഉദ്ഘാടനം ചെയ്തു. ഗോപിനാഥ് മുതുകാട് മുഖ്യപ്രഭാഷണം നടത്തി. ആദ്യമായാണ് സമ്മേളനത്തിന് ഇന്ത്യ വേദിയായത്. ഒമാൻ, ഖത്തർ, കുവൈറ്റ്, സൗദി അറേബ്യ, യു.എ.ഇ, യു.എസ്.എ എന്നീ രാജ്യങ്ങളിലെ മലയാളം ടോസ്റ്റ്മാസ്റ്റേഴ്‌സ് ക്ളബ് അംഗങ്ങൾ പങ്കെടുത്തു. അന്താരാഷ്ട്ര പ്രസംഗ മത്സരം, നർമ്മ പ്രസംഗ മത്സരം, അവലോകന പ്രസംഗ മത്സരം, തത്സമയ വിഷയ പ്രസംഗ മത്സരം എന്നിങ്ങനെ നാലുവിഭാഗങ്ങളിലായായിരുന്നു മത്സരങ്ങൾ.