കൊച്ചി: ഇന്ധന ടാങ്കറുകൾ ഇന്ന് തെരുവിൽ തടയുമെന്ന് എസ്.ഡി.പി.ഐ. ഇന്ധന വില വർദ്ധനവിൽ പ്രതിഷേധിച്ചാണ് സമരമെന്ന് എസ്.ഡി.പി.ഐ ജില്ലാ പ്രസിഡന്റ് ഷെമീർ മാഞ്ഞാലി വാർത്താ സമ്മേളനത്തിൽ പറഞ്ഞു. പെട്രോൾ പമ്പുകൾ നികുതി പിരിവ് കേന്ദ്രങ്ങളാക്കി മാറ്റി സമാനതയില്ലാത്ത ഔദ്യോഗിക കൊള്ളയാണ് കേന്ദ്ര-സംസ്ഥാന സർക്കാരുകൾ നടത്തുന്നത്. സാമ്പ്രദായിക സമരമുറകൾ കൊണ്ട് ജനങ്ങളുടെ വികാരമോ പ്രശ്നങ്ങളോ അധികാരികളുടെ കർണപടങ്ങളിലെത്തുന്നില്ല. ഈ തിരിച്ചറിവിൽ നിന്നാണ് ടാങ്കറുകൾ തടയാൻ തീരുമാനിച്ചത്. ഇരുമ്പനം ഉൾപ്പെടെ ജില്ലയുടെ വിവിധ ഭാഗങ്ങളിൽ സമരം നടക്കും. ലത്തീഫ് കോമ്പാറ, ഷാനവാസ് എന്നിവരും വാർത്താസമ്മേളനത്തിൽ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |