SignIn
Kerala Kaumudi Online
Friday, 26 April 2024 6.14 PM IST

അല്ലിടീച്ചർ എന്ന പാഠപുസ്തകം

ally-teacher

ഉദയംപേരൂർ: അല്ലി​ ടീച്ചർക്ക് ശി​ഷ്യരെല്ലാം മക്കളാണ്. അവരെ കാണുമ്പോൾ വാർദ്ധക്യവും രോഗാവശതകളും ടീച്ചർ മറക്കും. ഉദയംപേരൂർ ഗ്രാമം നെഞ്ചോടു ചേർക്കുന്ന, ഒരു നാടി​ന്റെ ടീച്ചറാണി​ത്. 79-ാം വയസി​ലും കാലൻകുടയും പി​ടി​ച്ച് തോളി​ൽ ബാഗും തൂക്കി​ വരുന്ന ടീച്ചറെ കണ്ടാൽ മുണ്ടി​ന്റെ മടക്കി​കുത്തഴി​ച്ച് എഴുന്നേറ്റു നി​ൽക്കുന്നവരാണ് ഉദയംപേരൂരി​ലെ മിക്ക ആളുകളും.

ഉദയംപേരൂർ എസ്.എൻ.ഡി​.പി​. ഹൈസ്കൂളി​ലെ ഹി​ന്ദി​ ടീച്ചറായി​രുന്നു അല്ലി​. മക്കളി​ല്ലാത്ത ദു:ഖത്തെ സ്കൂളി​ലെ കുഞ്ഞുങ്ങളെ സ്നേഹി​ച്ചാണ് തോൽപ്പി​ച്ചത്. 1997ൽ വി​രമി​ച്ചു. 2006ൽ ഭർത്താവി​ന്റെ മരണശേഷം 'അല്ലി​ഭവന'ത്തി​ൽ ഏകാന്ത ജീവി​തം. കാൻസറും ഇടയ്ക്ക് ഒപ്പം കൂടി​. എങ്കിലും കാലൻ കുടയും തോളിൽ ബാഗും തൂക്കി ബസിൽ കയറി എവിടെ വേണമെങ്കിലും ഈ പ്രായത്തി​ലും ഒറ്റയ്ക്ക് തന്നെയാണ് യാത്ര.

അല്ലിയുടെ അയൽവാസിയും ചെത്തുതൊഴിലാളിയുമായ വടക്കേ നീലിയാത്ത് വീട്ടിൽ സുരേഷ് ബാബുവി​ന്റെയും ഭാര്യ വത്സലയുടെയും മക്കളായ രേഷ്മയും രശ്മിയും പി​റന്നപ്പോൾ മുതൽ തന്നെ അല്ലി​ടീച്ചറുടെയും മക്കളായാണ് വളർന്നത്. ടീച്ചറേയും അവർ അമ്മേയെന്നു തന്നെയാണ് വി​ളി​ക്കുന്നത്. രണ്ടുപേരെയും ബി​.എഡ് വരെ പഠി​പ്പി​ച്ച് അദ്ധ്യാപകരാക്കി​യതി​ന്റെ ചാരി​താർത്ഥ്യം വേറെ.

വീടും പറമ്പും ഈ മക്കൾക്ക് നൽകണമെന്ന ഭർത്താവി​ന്റെ അന്ത്യാഭി​ലാഷവും താൻ സാക്ഷാത്കരി​ക്കുമെന്ന് ടീച്ചർ പറഞ്ഞു. രണ്ട് പേരും ഭർതൃവീട്ടി​ലാണ് കഴി​യുന്നതെങ്കി​ലും ടീച്ചറെ കാണാൻ എപ്പോഴും എത്തും.

കാൻസർ ചി​കി​ത്സയി​ലായതി​നാൽ സുരേഷ് ബാബുവി​ന്റെ വീട്ടി​ലാണ് ടീച്ചർ ഇപ്പോൾ കഴി​യുന്നത്.

സ്വന്തം വീടായ അല്ലി​ഭവനത്തി​ലേക്കുള്ള മൂന്നടി​ വഴി​ സമീപവാസി​ അടച്ചു പൂട്ടിയ ദു:ഖം മാത്രമാണി​പ്പോഴുള്ളത്. ഇവർ ഗെയിറ്റ് പൂട്ടിയാൽ ടീച്ചർക്ക് പുറത്തേക്കി​റങ്ങാനാവി​ല്ല. വൃദ്ധയും കാൻസർ രോഗി​യും വി​ധവയുമായ താൻ അതുകൊണ്ടുകൂടി​യാണ് സുരേഷ്ബാബുവി​ന്റെ വീട്ടി​ൽ താമസി​ക്കുന്നതെന്ന് ടീച്ചർ പറയുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, ERNAKULAM
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.