കൊച്ചി: വായനാദിനവും 86-ാം പിറന്നാളും ഒരുമിച്ച് ആഘോഷിച്ച് നോവലിസ്റ്റ് കെ.എൽ. മോഹനവർമ്മ. മിഥുനത്തിലെ ചതയം നാളിൽ തന്റെ പിറന്നാളും വായനാദിനവും ഒരുമിച്ചുവന്നത് എഴുത്തുകാരന് ഇരട്ടിമധുരമായി. വിദ്യാർത്ഥികളായ ഏഴാം ക്ലാസ്കാരി ജെ. ഗീതാഞ്ജലി, നാലാം ക്ലാസ് കാരനായ കെ.ആർ. ഹരിനാരായണൻ മേനോൻ എന്നിവർക്ക് താൻ രചിച്ച 'ഗാന്ധിജി ഇന്ന് ' പുസ്തകം അദ്ദേഹം സമ്മാനിച്ചു. ലോകം നേരിടുന്ന അനവധി പ്രശ്നങ്ങൾ തരണം ചെയ്യാൻ വായന സഹായിക്കുമെന്ന് അദ്ദേഹം പറഞ്ഞു. ആഘോഷത്തിൽ സാംസ്കാരിക കൊച്ചിയുടെ ഭാരവാഹികളായ പി. രാമചന്ദ്രൻ, ഫാ. തോമസ് പുതുശേരി, സി.ജി. രാജഗോപാൽ, സി.ഐ.സി.സി. ജയചന്ദ്രൻ എന്നിവർ സംബന്ധിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |