കൊച്ചി: സത്യത്തെ ഉറപ്പിക്കുന്നതാകണം ഗവേഷണമെന്ന് ഭാരതീയ വിചാരകേന്ദ്രം ഡയറക്ടർ ആർ.സഞ്ജയൻ. ഗവേഷണരംഗത്ത് ബൗദ്ധികസത്യസന്ധത അപൂർവമാകുന്ന കാലമാണിതെന്നും ഭാരതീയ ഗവേഷകരെ വാർത്തെടുക്കുന്നതിൽ സംഘടിത ശ്രമം ഉണ്ടാകേണ്ടതുണ്ടെന്നും അദ്ദേഹം പറഞ്ഞു. അമൃത മഹോത്സവം സംസ്ഥാന സമിതി സംഘടിപ്പിച്ച ദ്വിദിന ദേശീയ സെമിനാർ എറണാകുളം ഭാസ്‌കരീയം കൺവെൻഷൻ സെന്ററിൽ ഉദ്ഘാടനം ചെയ്യുകയായിരുന്നു അദ്ദേഹം. ചിന്മയ ഇന്റർനാഷണൽ ഫൗണ്ടേഷനിലെ പ്രൊഫ.ഗൗരി മഹോൽക്കർ മുഖ്യപ്രഭാഷണം നടത്തി. നാഗ്പൂരിലെ നാഷണൽ എൻവയോൺമെന്റ് എൻജിനിയറിംഗ് റിസർച്ച് ഇൻസ്റ്റിറ്റ്യൂട്ടിലെ ഡോ.രാജേഷ് ബിനിവാലെയും ഇഗ്‌നോ റീജിയണൽ ഡയറക്ടർ ജെ.എസ്. ഡൊറോത്തിയും വിഷയങ്ങൾ അവതരിപ്പിച്ചു.