പുസ്തക പ്രദർശനം

പിലിക്കോട് : വായനാ മാസാചരണത്തിന്റെ ഭാഗമായി പിലിക്കോട് ഗവ.യു.പി സ്‌കൂൾ ചെറുവത്തൂർ റിസോൾവ് ചിൽഡ്രൻസ് ബുക്ക് ഹൗസിന്റെ സഹകരണത്തോടെ പുസ്തക പ്രദർശനം സംഘടിപ്പിച്ചു. സ്‌കൂൾ ലൈബ്രറിയിലെ പുസ്തകങ്ങൾ പരിചയപ്പെടാനും വീട്ടുലൈബ്രറിയിലേക്കാവശ്യമായ പുസ്തകങ്ങൾ വാങ്ങുന്നതിനുമായിരുന്നു പ്രദർശനം.പുസ്തക പ്രദർശനം കേരള ബാലസാഹിത്യ ഇൻസ്റ്റിറ്റ്യൂട്ട് ബുക്ക് എക്സിബിഷൻ കോർഡിനേറ്റർ കെ.കെ.സുരേഷ് കുമാർ ഉദ്ഘാടനം ചെയ്തു. പ്രശ്‌നോത്തരി വിജയികൾക്ക് ഡയറ്റ് ഫാക്കൽട്ടി ഡോ.എ.പ്രസന്ന സമ്മാനങ്ങൾ വിതരണം ചെയ്തു. പി.ടി.എ പ്രസിഡന്റ് ടി.പ്രദീപ്, എസ്.എം.സി ചെയർമാൻ കെ.പി.രാജീവൻ, പ്രധാനാദ്ധ്യാപകൻ ബാലകൃഷ്ണൻ നാറോത്ത്,അദ്ധ്യാപകരായ ടി.വി.സുധീർകുമാർ, യു.പ്രഭ , ടി.പ്രമീള സംസാരിച്ചു.