ബസോടിച്ച് മാവേലി

ചെറുവത്തൂർ :ബസിൽ കയറിയ യാത്രക്കാർ ഡ്രൈവർ സീറ്റിൽ മാവേലിയെ കണ്ട് അത്ഭുതപ്പെട്ടു. കാരിയിൽ - ചെറുവത്തൂർ - പടന്നക്കടപ്പുറം റൂട്ടിലോടുന്ന ജനകീയ ബസിലാണ് ഉത്രാടം നാളിൽ യാത്രക്കാർക്ക് കൗതുക കാഴ്ച ഒരുങ്ങിയത്. ബസിന്റെ ഡ്രൈവർ സുജിത്ത് ബങ്കളമാണ് ഇന്നലെ മാവേലിയുടെ വേഷമണിഞ്ഞ് എത്തിയത്.

ഡ്രൈവർ സീറ്റിൽ ഇരിപ്പുറപ്പിച്ച 'മാവേലി ഡ്രൈവർ ' യാത്രക്കാർക്കും റോഡരുകിലെ കാഴ്ചക്കാർക്കും കൈവീശി അനുഗ്രഹം നൽകിയാണ് മുന്നോട്ട് പോയത്. മാവേലി ഡ്രൈവറെ കാണാൻ വഴിവക്കിലും ബസ് സ്റ്റോപ്പുകളിലും ആളുകൾ കാത്തുനിൽപ്പുണ്ടായിരുന്നു. ഡ്രൈവർ സുജിത് ബങ്കളം യുവ സംവിധായകനും സിനിമാ - നാടക പ്രവർത്തകനുമാണ്.