ഇടപ്പള്ളി അനുസ്മരണം

കൊല്ലം: ഇടപ്പള്ളി സ്മാരക സമിതിയുടെ ആഭിമുഖ്യത്തിൽ മുളങ്കാടകം ഇടപ്പള്ളി സ്മൃതി മണ്ഡപത്തിൽ അനുസ്മരണ സമ്മേളനം സംഘടിപ്പിച്ചു. മേയർ പ്രസന്ന ഏണസ്റ്റ് ഉദ്ഘാടനം ചെയ്തു. കവിതയെയും സാഹിത്യത്തെയും സ്നേഹിക്കുന്നവർക്ക് ഊർജ്ജം നൽകുന്ന ഇടമായി സ്മൃതി മണ്ഡപം നവീകരിക്കുമെന്ന് മേയർ ഉറപ്പ് നൽകി. സമിതി ചെയർമാനും ഡെപ്യൂട്ടി മേയറുമായ കൊല്ലം മധു അദ്ധ്യക്ഷനായി. കവി എൻ.എസ്.സുമേഷ് കൃഷ്ണൻ അനുസ്മരണ പ്രഭാഷണം നടത്തി. കൗൺസിലർ ശ്രീലത, ആശ്രാമം ഓമനക്കുട്ടൻ, അപ്സര ശശികുമാർ, കൊല്ലം ശേഖർ, വിജയകുമാർ കല്ലട എന്നിവർ സംസാരിച്ചു. എഴുപതോളം കവികൾ കാവ്യാഞ്ജലിയിൽ പങ്കെടുത്തു. രാവിലെ നടന്ന പുഷ്പാർച്ചനയിൽ മുളങ്കാടകം ഹൈസ്കൂളിലെ കുട്ടികളും അദ്ധ്യാപകരും സമിതി അംഗങ്ങളും പങ്കെടുത്തു.