പുസ്തകപ്രദർശനവും മത്സരങ്ങളും

ചാത്തന്നൂർ: കാരംകോട് വിമല സെൻട്രൽ സ്കൂളിൽ വായന മാസാചരണത്തിന്റെ ഭാഗമായി നടന്ന പുസ്തക പ്രദർശനം ഡോ. എസ്. ജയൻ ഉദ്ഘാടനം ചെയ്തു. വായനയുടെ പ്രാധാന്യം സംബന്ധി​ച്ച് വിവിധ മത്സരങ്ങൾ നടത്തി​. എന്റെ ഒരു പുസ്തകം വിദ്യാലയത്തിന് എന്ന പരിപാടിയുടെ ഭാഗമായി വിദ്യാർത്ഥികൾ ശേഖരിച്ച 500ൽ പരം പുസ്തകങ്ങൾ സ്കൂൾ ലൈബ്രറിക്ക് വേണ്ടി മാനേജർ ഫാ. സാമുവൽ പഴവൂർ പടിക്കൽ ഏറ്റുവാങ്ങി. പുതുതായി തിരഞ്ഞെടുക്കപ്പെട്ട പി.ടി.എ ഭരണസമിതി അംഗങ്ങൾ പുസ്തക സമാഹരണ യജ്ഞത്തിന് പിന്തുണ നൽകി. അസിസ്റ്റൻറ് ഡയറക്ടർ ഫാ. ഡാനിയൽ പുത്തൻപുരയ്ക്കൽ, പ്രിൻസിപ്പൽ ടോം മാത്യു, വൈസ് പ്രിൻസിപ്പൽ എബി എബ്രഹാം, കോ ഓർഡിനേറ്റർമാരായ എസ്.എസ്. മിനി, ബിതിക ഡീഗൽ, എസ്. അരുൺഎന്നിവർ നേതൃത്വം നൽകി.