ലഹരിക്കെതിരെ സമ്മർ ക്യാമ്പ്

കൊല്ലം: ലഹരി വിരുദ്ധ പ്രവർത്തനങ്ങൾക്ക് സ്റ്റുഡന്റ് പൊലീസ് കേഡറ്റുകളെ പ്രാപ്തരാക്കാൻ നിത്യസഹായ മാതാ ഗേൾസ് ഹൈസ്​കൂളിൽ നടന്ന ദ്വദിന സമ്മർ ക്യാമ്പ് 'ശബളം 2025' ആദിച്ചനല്ലൂർ പഞ്ചായത്ത് പ്രസിഡന്റ് രേഖ എസ്.ചന്ദ്രൻ ഉദ്ഘാടനം ചെയ്തു.
ലഹരിവിരുദ്ധ ബോധവത്കരണത്തെക്കുറിച്ച് കൊട്ടിയം സബ് ഇൻസ്‌​പെക്ടർ നിതിൻ നളനും സൈബർ സുരക്ഷയുമായി ബന്ധപ്പെട്ട് എസ്.ഐ ശ്യാംകുമാറും ക്ളാസെടുത്തു. കേഡറ്റുകൾ സ്​കൂൾ പരിസരത്ത് ലഹരി വിരുദ്ധ റാലിയും ഫ്ളാഷ് മോബും സംഘടിപ്പിച്ചു. പ്രഥമാദ്ധ്യാപിക വൈ. ജൂഡിത്ത്, സംസ്ഥാന അദ്ധ്യാപക അവാർഡ് ജേതാവ് സാബു ജോയ്, പൊലീസ് ഓഫീസർമാരായ വൈ. സാബു, രമ്യ, എയ്ഞ്ചൽ മേരി, അനില അദ്ധ്യാപകരായ ജിസ്മി ഫ്രാങ്ക്‌​ലിൻ, വിനീത, മഞ്ജു, സവിത എന്നിവർ പങ്കെടുത്തു.