പുനലൂർ: പൊതുമേഖലാ സ്ഥാപനമായ പുനലൂരിലെ റിഹാബിലിറ്റേഷൻ പ്ലാന്റേഷൻസ് ലിമിറ്റഡിന്റെ (ആർ.പി.എൽ) മാനേജിംഗ് ഡയറക്ടറായി ഡോ. ആടലരശൻ ചുമതലയേറ്റു. നിലവിലെ എം.ഡി പരിസ്ഥിതി വകുപ്പ് ഡയറക്ടറായി സ്ഥലം മാറിപ്പോയ ഒഴിവിലാണ് നിയമനം. 2009 ബാച്ച് കേരള കേഡർ ഐ.എഫ്.എസ് ഉദ്യോഗസ്ഥനായ ഡോ. ആടലരശൻ തമിഴ്നാട് അരിയല്ലൂർ സ്വദേശിയാണ്. കിഴക്കൻ മേഖലയിലെ വനം ചീഫ് കൺസർവേറ്റർ, അഗസ്ത്യവനം ബയോളജിക്കൽ പാർക്ക് കൺസർവേറ്റർ, വനം വിജിലൻസ് കൺസർവേറ്റർ, നിലമ്പൂർ, കോഴിക്കോട് തുടങ്ങിയ സ്ഥലങ്ങളിൽ ഡിവിഷണൽ ഫോറസ്റ്റ് ഓഫീസർ ചുമതലകൾ വഹിച്ചിട്ടുണ്ട്.