അനുമോദന സമ്മേളനം

കൂരാലി : സംസ്ഥാന ലൈബ്രറി കൗൺസിലിന്റെ മികച്ച ഗ്രന്ഥശാല പ്രവർത്തകനുള്ള പി.എൻ.പണിക്കർ പുരസ്‌കാരം നേടിയ പൊൻകുന്നം സെയ്തിനെ സെൻട്രൽ പബ്ലിക് ലൈബ്രറി അനുമോദിച്ചു. കാഞ്ഞിരപ്പള്ളി താലൂക്ക് ലൈബ്രറി കൗൺസിൽ വൈസ്പ്രസിഡന്റ് കെ.ആർ.മന്മഥൻ സമ്മേളനം ഉദ്ഘാടനം ചെയ്തു. ലൈബ്രറി പ്രസിഡന്റ് കെ.ജി.ഗോപിനാഥ് അദ്ധ്യക്ഷത വഹിച്ചു. സെക്രട്ടറി പി.ആർ.മധുകുമാർ, പൊൻകുന്നം സെയ്തിന് ഉപഹാരം നൽകി. എ.സജീവ്, പി.പി.രാജശേഖരൻ, പി.സനൽകുമാർ, പി.ആർ.സജി, പി.ശ്രീകല, രാജേഷ് ഇളങ്ങുളം, ഡോ.പി.ആർ.ബിജു തുടങ്ങിയവർ പ്രസംഗിച്ചു.