ടി.കെ കണ്ണൻ അനുസ്മരണം

മേപ്പയ്യൂർ: മേപ്പയ്യൂരിലെ കമ്മ്യൂണിസ്റ്റ് പാർട്ടിയുടെ പ്രവർത്തകനും ആശയ പ്രചാരകനുമായിരുന്ന ടി.കെ കണ്ണൻ അനുസ്മരണവും എൻഡോവ്മെൻ്റ് വിതരണവും സി.പി.ഐ ജില്ലാ സെക്രട്ടറി കെ.കെ. ബാലൻ ഉദ്ഘാടനം ചെയ്തു. പാർട്ടി നിലപാടുകളും തത്വങ്ങളും ഏത് സദസിലും ആർജവത്തോടെ അവതരിപ്പിക്കുന്നതിനും ബഹുജനങ്ങളെ അവ ബോദ്ധ്യപ്പെടുത്തുന്നതിനും അനിതരസാധാരണമായ കഴിവ് പ്രകടിപ്പിച്ച സഖാവായിരുന്നു ടി.കെ. കണ്ണനെന്നും കെ.കെ. ബാലൻ പറഞ്ഞു. കെ വി നാരായണൻ അദ്ധ്യക്ഷത വഹിച്ചു. കുമാരി ദേവിക എൻഡോവ്മെന്റ് ഏറ്റുവാങ്ങി. മണ്ഡലം സെക്രട്ടറി സി.ബിജു, ബാബു കൊളക്കണ്ടി, മേപ്പയ്യൂർ ലോക്കൽ കമ്മിറ്റി സെക്രട്ടറി എം.കെ. രാമചന്ദ്രൻ, സുരേഷ് കീഴന എന്നിവർ പ്രസംഗിച്ചു.