എസ്.എസ്.എഫ് സാഹിത്യോത്സവ്

മുക്കം: രണ്ടു ദിവസങ്ങളിലായി കാരമൂലയിൽ നടന്ന എസ്. എസ്. എഫ് കാരമൂല സെക്ടർ സാഹിത്യോത്സവിൽ കുമാരനെല്ലൂർ യൂണിറ്റ് ജേതാക്കളായി. ആറാംബ്ലോക്ക്, ഗേറ്റുംപടി യൂണിറ്റുകൾക്കാണ് രണ്ടും മൂന്നും സ്ഥാനം. മുബഷിർ സർഗപ്രതിഭയായും അബിൻഷാ റാഫി കലാപ്രതിഭയായും തിരഞ്ഞെടുക്കപ്പെട്ടു. സമാപന സമ്മേളനം മുബഷിർ ബുഖാരി ചുള്ളിക്കാപറമ്പ് ഉദ്ഘാടനംചെയ്തു. ഉനൈസ് സഖാഫി അദ്ധ്യക്ഷത വഹിച്ചു. കാരാളി പറമ്പിൽ നടന്ന ചെറുവാടി സെക്ടർ സാഹിത്യോത്സവിൽ തെനങ്ങാപറമ്പ് യൂണിറ്റ് ജേതാക്കളായി. ചെറുവാടി, പഴംപറമ്പ് യൂണിറ്റുകൾ രണ്ടും മൂന്ന‌‌ും സ്ഥാനംനേടി. ആമിർ മുഹമ്മദ് കലാപ്രതിഭയായും മുഹമ്മദ് സിദാൻ സർഗപ്രതിഭയായും തിരഞ്ഞെടുക്കപ്പെട്ടു. സമാപന സംഗമം നിയാസ് ചോല ഉദ്ഘാടനം ചെയ്തു. മുഷ്താഖ് സഖാഫി അദ്ധ്യക്ഷത വഹിച്ചു.