കവിതാപുസ്തകം പ്രകാശനം ചെയ്തു

പട്ടാമ്പി: പട്ടിത്തറ ജി.എൽ.പി സ്‌കൂളിലെ രണ്ടാം ക്ലാസ് വിദ്യാർത്ഥിനി എം.ആരാധ്യയുടെ മുത്തശ്ശിമാവ് കവിതാപുസ്തകം കവി എടപ്പാൾ സി സുബ്രഹ്മണൻ പ്രകാശനം ചെയ്തു. പട്ടിത്തറയിലെ വലിയ വീട്ടിൽ മണികണ്ഠന്റെയും എസ്.എസ്.ഗ്രീഷ്മയുടെയും മകളാണ്. വായന ആരാധ്യയ്ക്ക് 2020 ൽ ഇന്ത്യ ബുക്ക് ഓഫ് റെക്കോർഡ്സ് അപ്രീസിയേഷൻ ലഭിച്ചിട്ടുണ്ട്. ഗോപു പട്ടിത്തറയാണ് പുസ്തകത്തിന്റെ എഡിറ്റിംഗും ഡിസൈനും നിർവ്വഹിച്ചത്. പട്ടിത്തറ ഗ്രാമപഞ്ചായത്ത് മെമ്പർ എം.എസ്.വിജയ ലക്ഷ്മി ആരാധ്യയ്ക്ക് സ്‌കൂളിന്റെ സ്‌നേഹോപഹാരം നൽകി. പട്ടിത്തറ ജി.എൽ.പി സ്‌കൂളിലെ പ്രധാനാദ്ധ്യാപിക കെ.ടി.പ്രീത, പി.ടി. എ പ്രസിഡന്റ് ടി.രാജേഷ്, സി.മുഹമ്മദ് കുട്ടി തുടങ്ങിയവർ സംസാരിച്ചു.