ലാപ്‌ടോപ്പുകൾ നൽകി

മണ്ണാർക്കാട്: തെങ്കര ഗവൺമെന്റ് ഹയർ സെക്കൻഡറി സ്കൂളിലേക്ക് പാലക്കാട് ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി അനുവദിച്ച ലാപ്ടോപ്പുകൾ വിതരണം ചെയ്തു. ജില്ലാ പഞ്ചായത്ത് മെമ്പർ ഗഫൂർ കോൽക്കളത്തിൽ ഉദ്ഘാടനം നിർവ്വഹിച്ചു. പി.ടി.എ പ്രസിഡന്റ് മുഹമ്മദ് ഉനൈസ് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ രമ സുകുമാരൻ, വാർഡ് മെമ്പർ സന്ധ്യ ഷിബു, സ്കൂൾ പ്രിൻസിപ്പൽ കെ.ബിന്ദു, ഹെഡ്മിസ്ട്രസ് പി.കെ.നിർമ്മല, എം.പി.ടി.എ പ്രസിഡന്റ് സുബൈദ, സ്കൂൾ ചെയർപേഴ്സൻ ടി.എസ്.അനുഷ, സ്റ്റാഫ് സെക്രട്ടറി ദീപു ചന്ദ്രൻ എന്നിവർ സംസാരിച്ചു.