ഷൊർണൂർ: ഷൊർണൂർ എം.പി.എം.എം.എസ്.എൻ ട്രസ്റ്റ് കോളേജിലെ നവീകരിച്ച ജിംനേഷ്യത്തിന്റെയും കോ-ഓപ്പറേറ്റീവ് സ്റ്റോർ കെട്ടിടത്തിന്റെയും ഉദ്ഘാടനം ആർ.സി.സി കൺവീനർ വി.പി.ചന്ദ്രൻ നിർവഹിച്ചു. ജിംനേഷ്യം കോളേജിന്റെ കായികരംഗത്തിന് ഉണവ്വ് നൽകുമെന്ന് അദ്ദേഹം പറഞ്ഞു. പ്രിൻസിപ്പൽ എൽവിൻ പോൾ കോനാട്ട് അദ്ധ്യക്ഷത വഹിച്ചു. ഷൊർണൂർ മുനിസിപ്പാലിറ്റി കൗൺസിലർ ടി.ബിന്ദു, പി.ടി.എ ജോയിന്റ് സെക്രട്ടറി കെ.മോഹനൻ, പൂർവ്വവിദ്യാർത്ഥി സംഘടന സെക്രട്ടറി സി.മുകുന്ദൻ, അദ്ധ്യാപകരായ ഡോ. ടി.എം.വിനർഷ, ഡോ. പി.രജനി, ഓഫീസ് സൂപ്രണ്ട് പി.ശിവശങ്കർ, വിദ്യാർത്ഥി പ്രതിനിധി സി.ശ്രീനാഥ് എന്നിവർ പങ്കെടുത്തു.