നേത്രപരിശോധനാ ക്യാമ്പ്

അടൂർ :ഒരിപ്പുറം എം.ജി.പി നമ്പ്യാതിരി സ്മാരക ഗ്രന്ഥശാല തിരുവല്ല ഐ മൈക്രോ സർജറി & ലേസർ സെന്റർ കണ്ണാശുപത്രി , പന്തളം തെക്കേക്കര ഗ്രാമ പഞ്ചായത്ത് സി.ഡി.എസ് എന്നിവയുടെ സഹകരണത്തോടെ സൗജന്യ നേത്രപരിശോധന ക്യാമ്പ് സംഘടിപ്പിച്ചു. ഗ്രന്ഥശാലാ പ്രസിഡന്റും സ്റ്റാൻഡിംഗ് കമ്മിറ്റി ചെയർമാനുമായ വി. പി. വിദ്യാധരപ്പണിക്കർ ഉദ്ഘാടനം ചെയ്തു. പ്രാഥമിക ആരോഗ്യകേന്ദ്രം ജൂനിയർ ഹെൽത്ത് ഇൻസ്പെക്റ്റർ അജയകുമാർ, ശ്രീജിത്ത്‌ എന്നിവർ സംസാരിച്ചു. ഗ്രന്ഥശാല സെക്രട്ടറി കെ. ഹരിലാൽ അദ്ധ്യക്ഷനായി. ഉഷാരാജൻ സ്വാഗതവും ഇന്ദു നന്ദിയും പറഞ്ഞു.