പൂന്തുറയിൽ യുവാവിനെ കുത്തിയ മൂന്നുപേർ പിടിയിൽ

ശംഖുംമുഖം: യുവാവിനെ കുത്തിപ്പരിക്കേല്പിച്ച കേസിൽ മൂന്നുപേരെ പൂന്തുറ പൊലീസ് പിടികൂടി. മുട്ടത്തറ പൂന്തുറ ആ​റ്റിൻപുറം ജോൺപോൾ സെക്കൻഡ് നഗർ ഹൗസ് നമ്പർ 50ൽ വാടകയ്ക്ക് താമസിക്കുന്ന സുനിൽ (25), ജോൺപോൾ സെക്കൻഡ് നഗർ ഹൗസ് നമ്പർ 78ൽ ബ്രിജിൻ (29), ഹൗസ് നമ്പർ 50ൽ വർഗീസ് (27) എന്നിവരാണ് പിടിയിലായത്. വെള്ളിയാഴ്ച വൈകിട്ട് 6.30ഓടെ പൂന്തുറ ആ​റ്റിൻപുറം സ്വദേശി മരിയാ ദാസനെ മൂന്നുപേരും ചേർന്ന് തടഞ്ഞുനിറുത്തി കുത്തിപ്പരിക്കേല്പിക്കുകയായിരുന്നു. വയറ്റിൽ ആഴത്തിൽ കുത്തേ​റ്റ മരിയാ ദാസൻ മെഡിക്കൽ കോളേജ് ആശുപത്രിയിൽ ചികിത്സയിലാണ്. മുൻ വൈരാഗ്യമാണ് ആക്രണമത്തിന് കരണമെന്ന് പൊലീസ് പറഞ്ഞു. പൂന്തുറ എസ്.എച്ച്.ഒയുടെ നേതൃത്വത്തിൽ എസ്.ഐമാരായ സുനിൽ, ജയപ്രകാശ് എന്നിവരുൾപ്പെട്ട സംഘമാണ് പ്രതികളെ അറസ്റ്റുചെയ്തത്. പ്രതികളെ റിമാൻഡ് ചെയ്തു.