തിരുവനന്തപുരം:ഇന്നലത്തെ ശക്തമായ കാറ്റിലും മഴയിലും നഗരത്തിലെ വിവിധയിടങ്ങളിൽ മരം വീണ് വൈദ്യുതി വിതരണം മണിക്കൂറുകളോളം മുടങ്ങി. മരം വീണ് തകർന്ന വൈദ്യുതി കമ്പികളും പോസ്റ്റുകളും പുനഃസ്ഥാപിക്കുന്ന ജോലികൾ രാത്രി വൈകിയും തുടർന്നതിനാൽ നഗരത്തിലെ പലയിടങ്ങളും ഇരുട്ടിലായി.പുലർച്ചയോടെ എല്ലാം പുനഃസ്ഥാപിക്കുമെന്ന് കെ.എസ്.ബിഅറിയിച്ചു. വട്ടിയൂർക്കാവ്,തിരുമല,ഗൗരീശപട്ടം,വഞ്ചിയൂർ,കേശവദാസപുരം,പേരൂർക്കട,പാളയം,പേട്ട,പി.എം.ജി,പട്ടം,മെഡിക്കൽ കോളേജ്,ആനയറ തുടങ്ങിയ സ്ഥലങ്ങളിലാണ് മരം വീണ് വൈദ്യുതി തടസപ്പെട്ടത്.
മ്യൂസിയം ഒബ്സർവേറ്ററിയ്ക്ക് സമീപം പാർക്ക് ചെയ്തിരുന്ന മൂന്ന് കാറുകൾക്ക് മുകളിലൂടെ മരം വീണു.
അപകടമോ അപകട സാദ്ധ്യതയോ ശ്രദ്ധയിൽപ്പെട്ടാൽ 949600101 എന്ന നമ്പരിൽ ബന്ധപ്പെടണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |