തിരുവനന്തപുരം: മുൻമന്ത്രി മത്തായി മാഞ്ഞൂരാന്റെ 110ാമത് ജന്മവാർഷിക അനുസ്മരണ സമ്മേളനം പൂർണ ഓഡിറ്റോറിയത്തിൽ നടന്നു. ഗവൺമെന്റ് ചീഫ് വിപ്പ് ഡോ.എൻ. ജയരാജ് സമ്മേളനം ഉദ്ഘാടനം ചെയ്തു. ഒരുലക്ഷം രൂപയും പ്രശസ്തി പത്രവും അടങ്ങുന്ന ഈ വർഷത്തെ മത്തായി മാഞ്ഞൂരാൻ ഫൗണ്ടേഷൻ പുരസ്കാരത്തിന് ' വയനാടൻ ചുരം കയറിയ' എന്ന പരമ്പര എഴുതിയ രവീന്ദ്രൻ എരുമേലി അർഹനായി. ശാന്താലയം ഭാസി യോഗത്തിൽ അദ്ധ്യക്ഷത വഹിച്ചു. നന്ദാവനം സുശീലൻ, വിതുര റഷീദ്, ശിശിരൻ, അപ്പുക്കുട്ടൻ നായർ, സുഭാഷ് ബാബു, രവീന്ദ്രൻ എരുമേലി, സഫർ ബാബു തുടങ്ങിയവർ സംസാരിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |