യൂത്ത് ചെസ് ടൂർണമെന്റ് ഇന്ന്

തൃശൂർ: ഡി.വൈ.എഫ്.ഐ കൊടുങ്ങല്ലൂർ ബ്ലോക്ക് വൈസ് പ്രസിഡന്റായിരുന്ന കെ.യു.ബിജുവിന്റെ സ്മരണാർത്ഥം ഡി.വൈ.എഫ്.ഐ ജില്ലാ കമ്മിറ്റി, ചെസ് തൃശൂരിന്റെ സഹകരണത്തോടെ ആൾ കേരള യൂത്ത് ചെസ് ടൂർണമെന്റ് സംഘടിപ്പിക്കും. ഇന്ന് രാവിലെ ഒമ്പത് മുതൽ വൈകിട്ട് അഞ്ച് വരെ വി.കെ.എൻ മേനോൻ ഇൻഡോർ സ്റ്റേഡിയത്തിൽ നടക്കുന്ന ടൂർണമെന്റിൽ അണ്ടർ 10, അണ്ടർ 15, അണ്ടർ 40 കാറ്റഗറികളിലായി 500 ലധികം മത്സരാർത്ഥികൾ പങ്കെടുക്കും. വിജയികൾക്ക് 1,25,000 രൂപ വില വരുന്ന കാഷ് അവാർഡും സർട്ടിഫിക്കറ്റും നൽകും. രാവിലെ 9.30ന് സി.പി.എം ജില്ലാ സെക്രട്ടറി എം.എം. വർഗീസ് ഉദ്ഘാടനം ചെയ്യും. വൈകിട്ട് അഞ്ചിന് മന്ത്രി ആർ.ബിന്ദു സമ്മാന വിതരണം നടത്തും.