തൃശൂർ: ഓണാഘോഷ കാലത്ത് ജില്ലയിൽ അബ്കാരി കുറ്റകൃത്യങ്ങൾ വർദ്ധിക്കാനുള്ള സാദ്ധ്യത കണക്കിലെടുത്ത് എക്‌സൈസ് 24 മണിക്കൂർ പ്രവർത്തിക്കുന്ന കൺട്രോൾ റൂം സജ്ജമാക്കി. അയ്യന്തോളിലുള്ള ഡെപ്യൂട്ടി എക്‌സൈസ് കമ്മീഷണറുടെ കാര്യാലയത്തിൽ 24 മണിക്കൂർ പ്രവർത്തിക്കുന്ന ജില്ലാ കൺട്രോൾ റൂമും താലൂക്ക് തലത്തിൽ എല്ലാ എക്‌സൈസ് സർക്കിൾ ഓഫീസുകളിലുമാണ് കൺട്രോൾ റൂമുകൾ തുറന്നത്.

സ്പിരിറ്റ്, മദ്യം, മയക്കുമരുന്ന് എന്നിവയുടെ അനധികൃത കള്ളക്കടത്ത്,​ വ്യാജമദ്യ നിർമാണവും വിതരണവും തടയൽ എന്നിവയാണ് കൺട്രോൾ റൂം പ്രവർത്തനം കൊണ്ട് ഉദ്ദേശിക്കുന്നത്. ജില്ലയിലെ അബ്കാരി കുറ്റകൃത്യങ്ങൾ സംബന്ധിച്ച വിവരങ്ങൾ നേരിട്ടും പ്രത്യേകം രൂപീകരിച്ച ഇന്റലിജൻസ് ഉദ്യോഗസ്ഥന്മാർ വഴിയും കൺട്രോൾ റൂമിൽ ലഭിക്കുന്ന പരാതികൾ കൈകാര്യം ചെയ്യുന്നതിന് സ്‌ട്രൈക്കിംഗ് ഫോഴ്‌സുകൾ സജ്ജമാക്കിയിട്ടുണ്ട്. അനധികൃത സ്പിരിറ്റ് സംസ്ഥാനത്തേക്ക് കടത്തുന്നതായോ കൈകാര്യം ചെയ്യുന്നതായോ ശ്രദ്ധയിൽപ്പെട്ടാൽ അറിയിക്കുന്നവർക്ക് സർക്കാർ തക്ക പ്രതിഫലം നൽകും.

കുറ്റകൃത്യങ്ങൾ സംബന്ധിച്ച വിവരം നൽകുന്നവരുടെ പേരുവിവരങ്ങൾ രഹസ്യമായി സൂക്ഷിക്കും. കുറ്റകൃത്യങ്ങൾ തടയുന്നതിന് ജനങ്ങളുടെ ഭാഗത്തുനിന്നും സഹകരണം ഉണ്ടാവണം.

- കെ.പ്രേം കൃഷ്ണ, ഡെപ്യൂട്ടി എക്‌സൈസ് കമ്മിഷണർ

പൊതുജനങ്ങൾക്ക് അബ്കാരി കുറ്റകൃത്യം സംബന്ധിച്ച പരാതി അറിയിക്കാം

• സ്റ്റേറ്റ് കൺട്രോൾ റൂം: 04712332073
• ജില്ലാ കൺട്രോൾ റൂം : 04872361237, 9447178060
• ജോയിന്റ് എക്‌സൈസ് കമ്മിഷണർ മദ്ധ്യമേഖല: 9447178051
• ഡെപ്യൂട്ടി എക്‌സൈസ് കമ്മിഷണർ തൃശൂർ: 9447178060
• അസിസ്റ്റന്റ് എക്‌സൈസ് കമ്മിഷണർ തൃശൂർ: 9496002868
• തൃശൂർ സർക്കിൾ ഓഫീസ്: 04872327020, 9400069583
• ഇരിങ്ങാലക്കുട സർക്കിൾ ഓഫീസ്: 04802832800, 9400069589
• വടക്കാഞ്ചേരി സർക്കിൾ ഓഫീസ്: 04884232407, 9400069585
• വാടാനപ്പള്ളി സർക്കിൾ ഓഫീസ്: 04872290005, 9400069587
• കൊടുങ്ങല്ലൂർ സർക്കിൾ ഓഫീസ്: 048028093390, 9400069591