ഗുരുവായൂർ: ഗുരുവായൂർ ക്ഷേത്രത്തിൽ കൊവിഡ് സാഹചര്യത്തിൽ നിറുത്തിവച്ചിരുന്ന പ്രസാദ ഊട്ട് പുനരാരംഭിയ്ക്കുന്നു. അഷ്ടമിരോഹിണി ദിനത്തിൽ ഗുരുവായൂരപ്പന്റെ പിറന്നാൾ സദ്യ മുതലാണ് പ്രസാദ ഊട്ട് ആരംഭിക്കുന്നത്. ക്ഷേത്രം തന്ത്രിയുമായി കൂടിയാലോചിച്ച് പ്രസാദ ഊട്ട് പുനരാരംഭിയ്ക്കാൻ ദേവസ്വം ഭരണസമിതി തീരുമാനിക്കുകയായിരുന്നു.

കൊവിഡ് സാഹചര്യത്തിൽ ഭക്തർക്ക് കൂട്ടത്തോടെ ഭക്ഷണം വിളമ്പുന്നത് അനുവദനീയമല്ല. അതിനാൽ ആചാരപ്രകാരമുള്ള ചടങ്ങായി വിളക്കുവച്ച് 10ൽ കൂടാത്ത ആളുകൾക്ക് പ്രസാദ ഊട്ട് വിളമ്പിക്കൊടുക്കാനും തുടർന്ന് വരുന്നവർക്ക് പാക്കറ്റുകളിൽ നൽകാനുമാണ് തന്ത്രി നിർദ്ദേശിച്ചിട്ടുള്ളത്.