ന്യൂഡൽഹി: റെംഡെസിവിറിന്റെ 4.50 ലക്ഷം വയലുകൾ ഇന്ത്യ ഇറക്കുമതി ചെയ്യുന്നു. അമേരിക്ക കേന്ദ്രീകരിച്ച് പ്രവർത്തിക്കുന്ന ഗിലിയഡ് സയൻസസ്, ഈജിപ്തിലെ ഇവാ ഫാർമ കമ്പനികളിൽ നിന്നുമാണ് ഇറക്കുമതി. ഗിലിയഡ് സയൻസസ് ദിവസങ്ങൾക്കുള്ളിൽ 75,000 മുതൽ ഒരുലക്ഷം വയലുകൾ കയറ്റിഅയക്കും. മേയ് 15ന് ഒരുലക്ഷം വയലുകൾ കൂടി കൈമാറും. ഇവാ ഫാർമ ആദ്യം 10,000 വയലുകൾ നൽകും. പിന്നീട് 15 ദിവസത്തിന്റെ ഇടവേളയിൽ 50,000 വീതം കൂടി കൈമാറും. ഇവാഫാർമയിൽ നിന്നുള്ള ഇറക്കുമതി ജൂൺ വരെ തുടരും.