തിരുവനന്തപുരം: കേരള ക്രിക്കറ്റ് അസോസിയേഷന്റെ സഹകരണത്തോടെ സ്പോർട്സ്-എക്സോട്ടിക്ക സംഘടിപ്പിച്ച റെഡ് ബുൾ കാമ്പസ് ക്രിക്കറ്റ് - കേരള കോളേജ് പ്രീമിയർ ലീഗ് ട്വന്റി-20 ചാമ്പ്യൻഷിപ്പിൽ തിരുവനന്തപുരം മാർ ഇവാനിയോസ് കോളേജ് കിരീടം നേടി. തൊടുപുഴ കെ.സി.എ ക്രിക്കറ്റ് സ്റ്റേഡിയത്തിൽ നടന്ന ഫൈനലിൽ തേവര സേക്രഡ് ഹാർട്ട് കോളേജിനെ 5 വിക്കറ്റിന് പരാജയപ്പെടുത്തിയാണ് മാർ ഇവാനിയോസ് ചാമ്പ്യൻമാരായത്.
ആദ്യം ബാറ്റ് ചെയ്ത സേക്രഡ് ഹാർട്ട് കോളേജിനെ വിഷ്ണു വിജയൻ (3/30), ദേവൻ ആർ.ജെ (2/24), അഭിഷേക് പ്രതാപ് (2/16), അനുരാജ് ജെ. എസ് (2/19) എന്നിവരുടെ ബൗളിംഗിന്റെ പിൻബലത്തിൽ മാർ ഇവാനിയോസ് 18.3 ഓവറിൽ 106 റൺസിന് ഓൾ ഔട്ടാക്കി. ഗൗതം മോഹൻ 28 റൺസ് നേടി. മറുപടി ബാറ്റിംഗിൽ മാർ ഇവാനിയോസ് കോളേജ് നീൽ സണ്ണി (പുറത്താകാതെ 37) , ഗോഡ്സൺ (26) എന്നിവരുടെ മികച്ച ബാറ്റിംഗിന്റെ സഹായത്താൽ 15.4 ഓവറിൽ വിജയലക്ഷ്യത്തിലെത്തി 107/5. വിജയികളായ മാർ ഇവാനിയോസ് കോളേജ് റെഡ് ബുൾ ക്യാമ്പസ് ക്രിക്കറ്റ് ഇന്ത്യ റൗണ്ടിലേക്ക് യോഗ്യത നേടി. വ്യക്തിഗത അവാർഡുകൾ നേടിയവർ:
പ്ലെയർ ഓഫ് ദി ഫൈനൽ - നീൽ സണ്ണി (മാർ ഇവാനിയോസ്),പ്ലെയർ ഓഫ് ദി ടൂർണമെന്റ് - അഭിഷേക് പ്രതാപ് (മാർ ഇവാനിയോസ്)
ബെസ്റ്റ് ബാറ്റർ - സൽമാൻ സലിം (സേക്രഡ് ഹാർട്ട്),ബെസ്റ്റ് ബൗളർ - അബി ബിജു (മാർ ഇവാനിയോസ്),ബെസ്റ്റ് ഫീൽഡർ - അരവിന്ദ് കെ എസ് (സേക്രഡ് ഹാർട്ട്),ബെസ്റ്റ് വിക്കറ്റ് കീപ്പർ - വിഷ്ണു രാജ് (മാർ ഇവാനിയോസ്),ബെസ്റ്റ് പ്രോമിസിങ് പ്ലെയർ - അദ്വൈത് സജിത്ത് (സെന്റ് പോൾസ്).
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |