മാരകായുധങ്ങളുമായി യുവാവ് പിടിയിൽ

ആലപ്പുഴ: ഉത്സവപ്പറമ്പിൽ മാരകായുധങ്ങളുമായെത്തിയ ക്രിമിനൽ കേസിലെ പ്രതിയെ മണ്ണഞ്ചേരി പൊലീസ് അറസ്റ്റു ചെയ്തു. വടക്കനാര്യാട് കമ്പിയത്ത് ആദവത്ത് (20) ആണ് പിടിയിലായത്. കാവുങ്കൽ ക്ഷേത്രോത്സവത്തോടനുബന്ധിച്ച് പടയണിമേളത്തിൽ പങ്കെടുക്കുന്നതിനിടെയാണ് വടിവാൾ ഉൾപ്പെടെയുള്ള മാരകായുധങ്ങളുമായി പിടിയിലായത്.

മയക്കുമരുന്ന് കൈവശം വച്ചതിന് മാരാരിക്കുളം,​ മണ്ണഞ്ചേരി സ്റ്റേഷനുകളിൽ ഇയാൾക്കെതിരെ

കേസുണ്ട്. മൂന്ന് മാസം മുമ്പ് പാതിരപ്പള്ളി ബാറിലെ സെക്യൂരിറ്റി ജീവനക്കാരന്റെ തലയ്ക്ക് ബിയർ കുപ്പികൊണ്ട് അടിച്ച് പരിക്കേൽപ്പിച്ച കേസിൽ ജാമ്യമെടുത്തിലിറങ്ങിയതാണ് ഇയാൾ.

പ്രതിയെ കോടതി റിമാൻഡ് ചെയ്തു.