ബസിൽ മോഷണം: അവനവഞ്ചേരി സ്വദേശി പിടിയിൽ

തിരുവനന്തപുരം: ബസിൽ നിന്ന് പഴ്സ് മോഷ്ടിച്ചെന്ന കേസിൽ ആറ്റിങ്ങൽ അവനവഞ്ചേരി സ്വദേശി പിടിയിൽ. പ്രതിയായ പ്രീതിയെ പേട്ട പൊലീസാണ് അറസ്റ്റ് ചെയ്തത്.

കഴിഞ്ഞ ദിവസം കഴക്കൂട്ടത്തു നിന്ന് പേട്ടവഴി കിഴക്കേകോട്ടയിലേക്ക് പോകുകയായിരുന്ന കെ.എസ്.ആർ.ഡി.ടി.സി സ്വിഫ്റ്റ് ബസിലായിരുന്നു സംഭവം. കുളത്തൂർ സ്വദേശി അപർണയുടെ പഴ്‌സാണ് മോഷ്‌ടിച്ചത്‌. പഴ്‌സ് നഷ്ടപ്പെട്ടതോടെ അപർണ പേട്ട പൊലീസ് സ്‌റ്റേഷനിലെത്തി പരാതി നൽകി. പരാതിയുടെ അടിസ്ഥാനത്തിൽ ബസിലെ ക്യാമറ പരിശോധിച്ച് പ്രീതിയെ പിടികൂടുകയായിരുന്നു. പ്രീതി നേരത്തെ ബസിൽനിന്ന് പഴ്സ് മോഷ്ടിക്കുന്നത് കണ്ടിട്ടുണ്ടെന്ന ബസിലുണ്ടായിരുന്ന മറ്റൊരു പെൺകുട്ടി പൊലീസിനെ അറിയിച്ചു. തുടർന്ന് പേട്ട എസ്.എച്ച്.ഒ

വി.എം.ശ്രീകുമാറിന്റെ നേതൃത്വത്തിൽ നടത്തിയ അന്വേഷണത്തിൽ ഇവരിൽ നിന്ന് പഴ്‌സ് പിടിച്ചെടുത്തു. വലിയ തുക നഷ്ടമാകാത്തതിനാൽ പ്രതിയെ ജാമ്യത്തിൽ വിട്ടു. ബസിൽ നിന്ന് 12ഓളം പഴ്സുകൾ മോഷ്ടിച്ച സംഭവങ്ങളിൽ പ്രീതി 2023ൽ ശിക്ഷ അനുഭവിച്ചിട്ടുണ്ട്.