ആശുപത്രിയിൽ പ്രായപൂർത്തിയാകാത്ത ഭിന്നശേഷിക്കാരിയെ പീഡിപ്പിക്കാൻ ശ്രമം; സെക്യൂരിറ്റി  ജീവനക്കാരനെതിരെ കേസ്

കണ്ണൂർ: തളിപ്പറമ്പ് താലൂക്ക് ഗവൺമെന്റ് ആശുപത്രിയിലെത്തിയ പ്രായപൂർത്തിയാകാത്ത ഭിന്നശേഷിക്കാരിയെ പീഡിപ്പിക്കാൻ ശ്രമിച്ച സെക്യൂരിറ്റി ജീവനക്കാരനെതിരെ കേസെടുത്തു. സെക്യൂരിറ്റി ജീവനക്കാരനും വിമുക്ത ഭടനുമായ പയ്യാവൂർ സ്വദേശി പ്രദീപ് കുമാറിനെതിരെയാണ് കേസെടുത്തത്.

ഈ മാസം 22നാണ് കേസിനാസ്‌പദമായ സംഭവം നടന്നത്. ഭിന്നശേഷിക്കാരിയായ പെൺകുട്ടി മാതാവിനൊപ്പം കൗൺസിലിംഗിന് ആശുപത്രിയിൽ എത്തിയിരുന്നു. മാതാവ് കൗൺസിലിംഗ് മുറിയിൽ കയറിയപ്പോൾ സെക്യൂരിറ്റി ജീവനക്കാരൻ പെൺകുട്ടിയെ കടന്നുപിടിക്കുകയായിരുന്നു. കൗൺസിലിംഗിനിടെയാണ് പെൺകുട്ടി ഇക്കാര്യം പറഞ്ഞത്. പിന്നാലെ പൊലീസിൽ പരാതി നൽകി. 23-ാം തീയതി മുതൽ പ്രദീപ് കുമാർ ഒളിവിലാണ്. ഇയാൾക്കായി പൊലീസ് തെരച്ചിൽ ഊർജിതമാക്കിയിട്ടുണ്ട്.