മോഹൻലാൽ - ജീത്തു ചിത്രം, ശാന്തി ഇനി തിരക്കഥാകൃത്തും

മോഹൻലാലും ജീത്തു ജോസഫും വീണ്ടും ഒരുമിക്കുന്ന ചിത്രത്തിന് നടി ശാന്തി മായാദേവി തിരക്കഥ ഒരുക്കുന്നു. കോർട്ട് റൂം ഡ്രാമയായാണ്ചിത്രം ഒരുങ്ങുന്നത്. ഹൈക്കോടതിയിൽ അഭിഭാഷകയായ ശാന്തി ആദ്യമായാണ് തിരക്കഥ എഴുതുന്നത്.ഗാനഗന്ധർവ്വനിൽ മമ്മൂട്ടിയെയും ദൃശ്യം 2വിൽ മോഹൻലാലിനെയും രക്ഷിച്ച സുന്ദരിയായ വക്കീലിനെ അത്ര പെട്ടെന്ന് പ്രേക്ഷകർക്ക് മറക്കാൻ കഴിയില്ല. മോഹൻലാൽ - ജീത്തു ചിത്രമായ റാമിലും വക്കീൽ വേഷമാണ് ശാന്തി അവതരിപ്പിക്കുന്നത്. നാലാമുറയിൽ പൊലിസ് വേഷത്തിലും പ്രത്യക്ഷപ്പെട്ടു. വിജയ് - ലോകേഷ് കനകരാജ് ചിത്രം ലിയോയിലും അഭിനയിക്കുന്നുണ്ട്.

ചിങ്ങം ഒന്നിന് ചിത്രീകരണം ആരംഭിക്കുന്ന മോഹൻലാൽ - ജീത്തു ചിത്രം ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമ്മാണം. ആശിർവാദ് സിനിമാസ് നിർമ്മിക്കുന്ന 33-ാം ചിത്രം ആണ്.