നാഷണൽ അല്ല ഇന്റർനാഷണൽ,​ അല്ലു അർജുന്റെ മാസ് ആക്ഷൻ ത്രില്ലർ പുഷ്പ 2 ട്രെയില‌ർ റിലീസ് ചെയ്തു

ആരാധകർഏറെആകാംക്ഷയോടെകാത്തിരിക്കുന്ന പുഷ്പ 2- ദിറൂളിന്റെ ട്രെയിലർ റിലീസ്ചെയ്തു പക്കാമാസ്ആക്ഷൻത്രില്ലറായാണ്പുഷ്പ2ഒരുക്കിയിരിക്കുന്നത്. പാട്നയിലെ ഗാന്ധി മൈതാനത്ത് വൻജനാവലിയെ സാക്ഷിയാക്കിയായിരുന്നു ട്രെയിലർ റിലീസ് ചെയ്തത്. മലയാളത്തിന്റെ പ്രിയതാരം ഫഹദ്ഫാസിലും അല്ലു അർജുനും തമ്മിലുള്ള മാസ് ആക്ഷൻ കോമ്പിനേഷൻ സീനുകൾ സിനിമയിൽ ഉണ്ടാകുമെന്നാണ് ട്രെയിലർ നൽകുന്ന സൂചന. ഡിസംബർ അഞ്ചിനാണ് ചിത്രം തിയേറ്ററുകളിൽ എത്തുക.

ആദ്യഭാഗത്തെക്കാൾ മാസ് രംഗങ്ങളുമായാണ് ചിത്രം ഒരുക്കിയിരിക്കുന്നത്. ഇ ഫോർ എന്റർടെയിൻമെന്റാണ് പുഷ്പ 2 കേരളത്തിൽ പ്രദർശനത്തിന് എത്തിക്കുന്നത്. കേരളത്തിലെ തിയേറ്ററുകളിൽ 24 മണിക്കൂറും പ്രദർശനമുണ്ടാകുമെന്ന് ഇ ഫോർ എന്റർടെയിൻമെന്റ്സ് നേരത്തെ അറിയിച്ചിരുന്നു.

സുകുമാർ സംവിധാനം ചെയ്യുന്ന ചിത്രത്തിൽ അല്ലു അർജുന് പുറമേ രശ്മിക മന്ദാന, ഫഹദ് ഫാസിൽ, സുനിൽ, ജഗപതി ബാബു, പ്രകാശ് രാജ് തുടങ്ങിയവരാണ് പ്രധാന കഥാപാത്രങ്ങളായെത്തുന്നത്. നിർമ്മാതാക്കൾ: നവീൻ യെർനേനി, രവിശങ്കർ യലമഞ്ചിലി, സി.ഇ.ഒ: ചെറി, സംഗീതം: ദേവിശ്രീ പ്രസാദ്, കാമറ: മിറെസ്ലോ ക്യൂബ ബ്രോസെക്, പ്രൊഡക്ഷൻ ഡിസൈനർ: എസ്. രാമകൃഷ്ണമോണിക്ക നിഗോത്രേ, ഗാനരചയിതാവ്: ചന്ദ്ര ബോസ്, ബാനറുകൾ: മൈത്രി മൂവി മേക്കേഴ്സ്, സുകുമാർ റൈറ്റിംഗ്സ്, മാർക്കറ്റിംഗ് ഹെഡ്: ശരത്ചന്ദ്ര നായിഡു, പി. ആർ. ഒ: ഏലൂരു ശ്രീനു, മാധുരി മധു, ആതിര ദിൽജിത്ത്, മാർക്കറ്റിംഗ്: ഫസ്റ്റ് ഷോ.