ഗുരുധർമ്മ പ്രചാരക രത്ന പുരസ്കാരം ഗോകുലം ഗോപാലന്

ശിവഗിരി: ശിവഗിരി മഠത്തിന്റെ ശാഖാ സ്ഥാപനമായ മധുര തിരുപ്പുറക്കുണ്ട്രം ശാന്തിലിംഗ സ്വാമി ആശ്രമത്തിന്റെ "ഗുരുധർമ്മ പ്രചാരകരത്ന" പുരസ്കാരത്തിന് ഗോകുലം ഗ്രൂപ്പ് ഒഫ് കമ്പനികളുടെ ചെയർമാൻ ഗോകുലം ഗോപാലൻ അർഹനായി.

ഒക്ടോബർ 19 ന് മധുരയിലെ ആശ്രമത്തിൽ ശിവഗിരി തീർത്ഥാടന നവതി - ബ്രഹ്മവിദ്യാലയ കനക ജൂബിലി ആഘോഷങ്ങളോടനുബന്ധിച്ചു നടക്കുന്ന സമ്മേളനത്തിൽ ഗോവാ ഗവർണർ പി.എസ്. ശ്രീധരൻ പിള്ള പുരസ്കാരം സമ്മാനിക്കും. ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ, ജനറൽ സെക്രട്ടറി സ്വാമി ഋതംഭരാനന്ദ, ട്രഷറർ സ്വാമി ശാരദാനന്ദ, ഗുരുധർമ്മ പ്രചാരണ സഭാസെക്രട്ടറി സ്വാമി ഗുരുപ്രസാദ്, തീർത്ഥാടന നവതി സെക്രട്ടറി സ്വാമി വിശാലാനന്ദ തുടങ്ങിയവർ സംബന്ധിക്കും.