ഡോക്ടർമാർ ഇന്ന് മുതൽ മെഡി.ബോർഡ് ബഹിഷ്കരിക്കും

തിരുവനന്തപുരം: മെഡിക്കൽ കോളേജ് ഡോക്ടർമാർ ഇന്ന് മുതൽ മെഡിക്കൽ ബോർഡുകൾ ബഹിഷ്കരിക്കും. കേരള ഗവ. മെഡിക്കൽ കോളേജ് ടീച്ചേഴ്സ് അസോസിയേഷന്റെ (കെ.ജി.എം.സി.ടി.എ) നേതൃത്വത്തിൽ മെഡിക്കൽ കോളേജ് ഡോക്ടർമാർ മാസങ്ങളായി നടത്തുന്ന സമരം ശക്തമാക്കുന്നതിന്റെ ഭാഗമായാണിത്. ഇതോടെ മെഡിക്കൽ സർട്ടിഫിക്കറ്റുകൾ രോഗികൾക്ക് ലഭിക്കുന്നത് പ്രതിസന്ധിയിലാകും. കോടതി നിർദ്ദേശിക്കുന്നത് പ്രകാരമുള്ളതും രോഗികളുടെ ജീവൻരക്ഷയ്ക്ക് ആവശ്യമുള്ളതുമായ ബോർഡുകൾ മാത്രം ചേരുമെന്നപൃും കെ.ജി.എം.സി.ടി സംസ്ഥാന പ്രസിഡന്റ് ഡോ. റോസ്‌നാര ബീഗം. ടി, ജനറൽ സെക്രട്ടറി ഡോ. അരവിന്ദ് സി.എസ് എന്നിവർ പറഞ്ഞു.