മുൻമന്ത്രി വി എസ് ശിവകുമാറിന് ഇ ഡി നോട്ടീസ്,​ 20ന് ചോദ്യം ചെയ്യലിന് ഹാജരാകണം

തിരുവനന്തപുരം : മുൻമന്ത്രിയും കോൺഗ്രസ് നേതാവുമായ വി.എസ്. ശിവകുമാറിന് എൻഫോഴ്‌സ്‌മെന്റ് ഡയറക്ടറേറ്റ് നോട്ടീസ് നൽകി. ഈ മാസം 20 ന് ചോദ്യം ചെയ്യലിന് ഹാജരാകാൻ നോട്ടീസിൽ ആവശ്യപ്പെട്ടു,​ പ്രൈവറ്റ് സെക്രട്ടറി ആയിരുന്ന വ്യക്തിയോടും ചോദ്യം ചെയ്യലിന് ഹാജരാകാൻ ആവശ്യപ്പെട്ടിട്ടുണ്ട്. ഉമ്മൻചാണ്ടി സർക്കാരിൽ വി.എസ്. ശിവകുമാർ ആരോഗ്യമന്ത്രി ആയിരുന്ന കാലത്തെ സാമ്പത്തിക ഇടപാടുകളിൻമേലുള്ള ആരോപണത്തിലാണ് ഇ,ഡി നോട്ടീസ് ,​

2020ൽ ശിവകുമാറിന്റെ വീട്ടിലും ബിനാമികൾ എന്നു കരുതപ്പെടുന്നവരുടെ വീടുകളിലും ഇ.ഡി റെയ്ഡ് നടത്തിയിരുന്നു,​

അനധികൃത സ്വത്ത് സമ്പാദനം നടത്തിയതായി വിജിലൻസ് അന്വേഷണത്തിലും കണ്ടെത്തിയിരുന്നു. ഇതേത്തുടർന്ന് എഫ്.ഐ,​ആറും രജിസ്റ്റർ ചെയ്തു. വിജിലൻസ് അന്വേഷണത്തിന്റെയും എഫ്.ഐ.ആറിന്റെയും അടിസ്ഥാനത്തിലാണ് ഇ.ഡി പ്രാഥമിക അന്വേഷണം നടത്തിയത്. തുടർന്നാണ് ചോദ്യം ചെയ്യലിന് ഹാജരാകാൻ ഇ.ഡി വി.എസ്. ശിവകുമാറിന് നോട്ടീസ് നൽകിയിരിക്കുന്നത്.