20 മണ്ഡലങ്ങളിലും യു.ഡി.എഫിന് മുൻതൂക്കം: സാദിഖലി തങ്ങൾ

മലപ്പുറം: ലോക്‌സഭാ തിരഞ്ഞെടുപ്പിൽ സംസ്ഥാനത്തെ 20 മണ്ഡലങ്ങളിലും യു.ഡി.എഫിന് വ്യക്തമായ മുൻതൂക്കമുണ്ടെന്ന് മുസ്ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങൾ വാർത്താസമ്മേളനത്തിൽ പറഞ്ഞു. പൊന്നാനിയിലും മലപ്പുറത്തും മികച്ച ഭൂരിപക്ഷത്തോടെ വിജയിക്കും. തിരഞ്ഞെടുപ്പ് അവലോകനത്തിന് അടുത്തയാഴ്ച സംസ്ഥാന കമ്മിറ്റി ചേരുമെന്നും സാദിഖലി തങ്ങൾ അറിയിച്ചു. മലപ്പുറത്തും പൊന്നാനിയിലും യു.ഡി.എഫ് വോട്ടുകൾ കൃത്യമായി പോൾ ചെയ്‌തെന്ന് പി.കെ. കുഞ്ഞാലിക്കുട്ടി പറഞ്ഞു. വടകരയിൽ വർഗീയ പ്രചാരണം നടന്നിട്ടില്ല. ബാബറി മസ്ജിദ് തകർക്കപ്പെട്ട സമയത്ത് പോലും വർഗീയതയ്ക്കെതിരെ നിന്നവരാണ് മുസ്‌ലിം ലീഗുകാർ. മറിച്ചുള്ള പ്രചാരണം ജനം വിശ്വസിക്കില്ലെന്നും കുഞ്ഞാലിക്കുട്ടി പറഞ്ഞു.