മലപ്പുറം പൂക്കോട്ടൂരിൽ ചെരുപ്പുകമ്പനിയിൽ വൻ തീപിടിത്തം; രക്ഷാപ്രവർത്തനം തുടരുന്നു

മലപ്പുറം: പൂക്കോട്ടൂർ മൈലാടിയിൽ വൻ തീപിടിത്തം. വിവിധ യൂണിറ്റുകളിൽ നിന്ന് അഗ്നിരക്ഷാസേനയെത്തി തീ നിയന്ത്രണവിധേയമാക്കാനുള്ള ശ്രമങ്ങൾ തുടരുകയാണ്. ഭാഗികമായി തീ അണയ്‌ക്കാൻ സാധിച്ചു. ചെരുപ്പ് കമ്പനി പൂർണമായി കത്തിനശിച്ചത് കോടിക്കണക്കിന് രൂപയുടെ നാശനഷ്‌ടങ്ങൾക്ക് കാരണമായി. സംഭവത്തിൽ ആർക്കും ആളപായമില്ലെന്നാണ് വിവരം. തീപിടിത്തത്തിന്റെ കാരണം വ്യക്തമല്ല. ചെരുപ്പ് കമ്പനിയുടെ ഗോഡൗണിൽ നിന്ന് പുക ഉയരുന്നത് കണ്ട നാട്ടുതകാരാണ് അഗ്നിരക്ഷാസേനയെ വിവരം അറിയിച്ചത്. സമീപത്തെ കെട്ടിടങ്ങളിലേക്ക് തീ പടരാതിരിക്കാൻ നാട്ടുകാരും ഉദ്യോഗസ്ഥരും ചേർന്നാണ് രക്ഷാപ്രവർത്തനം നടത്തുന്നത്.