ചെമ്പൈ പുരസ്‌കാരം2025:അപേക്ഷ ക്ഷണിച്ചു

തിരുവനന്തപുരം: സംസ്ഥാന സർക്കാർ ചെമ്പൈ ട്രസ്റ്റിന്റെ സഹകരണത്തോടെ കർണാടക സംഗീതത്തിന് ഏർപ്പെടുത്തിയിട്ടുള്ള ചെമ്പൈ പുരസ്‌കാരം- 2025ലേക്ക് അപേക്ഷ ക്ഷണിച്ചു. 35 വയസിന് താഴെയുള്ള കേരളീയരായ യുവസംഗീതജ്ഞർക്ക് അപേക്ഷിക്കാം.കർണാടക സംഗീതം വായ്പാട്ട്,വയലിൻ,മൃദംഗം,വീണ/ഫ്ളൂട്ട്/ഗഞ്ചിറ/ഘടം/മോർസിംഗ് വിഭാഗങ്ങളിലായി അഞ്ച് പുരസ്‌കാരങ്ങളാണ് നൽകുന്നത്. https://chembaitrust.com ൽ നിന്ന് അപേക്ഷയും നിയമാവലിയും ഡൗൺലോഡ് ചെയ്യാം.

അപേക്ഷാഫോമും നിയമാവലിയും ചെമ്പൈ ട്രസ്റ്റിന്റെ ഓഫീസിൽ നിന്ന്(ചെമ്പൈ മെമ്മോറിയൽ ട്രസ്റ്റ്,അയോദ്ധ്യാനഗർ,ചെമ്പൈ റോഡ്,ശ്രീവരാഹം,തിരുവനന്തപുരം695009, ഫോൺ:04712472705, മൊബൈൽ:9447754498) നേരിട്ടും ലഭിക്കും.തപാലിൽ അപേക്ഷാഫോം അയയ്ക്കുന്നതിന് പത്തുരൂപ സ്റ്റാമ്പൊട്ടിച്ച് സ്വന്തം മേൽവിലാസം എഴുതിയ വലിയ കവർ അയച്ചുകൊടുക്കണം.പൂരിപ്പിച്ച അപേക്ഷാഫോം തിരുവനന്തപുരം ചെമ്പൈ മെമ്മോറിയൽ ട്രസ്റ്റിൽ ലഭിക്കേണ്ട അവസാന തീയതി നവംബർ 15.കൂടുതൽ വിവരങ്ങൾക്ക്: 9447060618.