തിരുവനന്തപുരം: കെ- റെയിലിന്റെ പേരിൽ തട്ടിക്കൂട്ട് സംവാദം നടത്തി ജനങ്ങളുടെ കണ്ണിൽ പൊടിയിടാനുള്ള നീക്കമാണ് സർക്കാർ നടത്തുന്നതെന്ന് കെ.പി.സി.സി പ്രസിഡന്റ് കെ.സുധാകരൻ എം.പി പ്രസ്താവിച്ചു.
അടച്ചിട്ട ശീതീകരിച്ച മുറികളിലല്ല സർക്കാർ സംവാദം സംഘടിപ്പിക്കേണ്ടത്. കെ- റെയിലിന്റെ പേരിൽ കുടിയൊഴിപ്പിക്കുന്നതും ദുരിതം പേറുന്നതുമായ വലിയ ഒരുസമൂഹമുണ്ട്. അവരുമായി സംവദിക്കാനുള്ള നട്ടെല്ലും ആർജ്ജവവുമാണ് കാട്ടേണ്ടത്. കെ-റെയിലിന്റെ പേരിൽ ദുരിതം അനുഭവിക്കുന്നവരെ കാണാനോ പരിഭവം കേൾക്കാനോ നാളിതുവരെ സർക്കാരും മുഖ്യമന്ത്രിയും തയ്യാറായില്ല. കെ-റെയിൽ പദ്ധതിയുടെ പേരിൽ ഒന്നും നഷ്ടപ്പെടാൻ ഇല്ലാത്തവരുമായി സംവാദം നടത്തിയിട്ട് എന്തു പ്രയോജനമാണുള്ളതെന്നും കെ.സുധാകരൻ ചോദിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |