അലൈഡ് ഹെൽത്ത് സയൻസ് അലോട്ട്മെന്റ് റദ്ദാക്കി

തിരുവനന്തപുരം: ബി.എസ്‌സി അലൈഡ് ഹെൽത്ത് സയൻസ് കോഴ്സിൽ ഒഴിവുള്ള സീറ്റുകളിലേക്ക് 16ന് നടത്തിയ അലോട്ട്‌മെന്റ് സാങ്കേതിക കാരണങ്ങളാൽ റദ്ദാക്കി. ഈ സീറ്റുകളിലേക്ക് 18ന് എൽ.ബി.എസ് സെന്ററിന്റെ ജില്ലാ ഫെസിലിറ്റേഷൻ സെന്ററുകളിൽ സ്പോട്ട് അലോട്ട്മെന്റ് നടത്തും. www.lbscentre.kerala.gov.in റാങ്ക് ലിസ്റ്റിലുൾപ്പെട്ടിട്ടുള്ളവർ രാവിലെ 10.30നകം ഹാജരായി രജിസ്റ്റർ ചെയ്യണം. വിവരങ്ങൾക്ക്: 0471 2560361, 362, 363, 364.