വ്യാജ ഐ.പി.എൽ ടിക്കറ്റ് വില്പന: തട്ടിപ്പ് സംഘങ്ങൾ സജീവം

തിരുവനന്തപുരം: ഐ.പി.എൽ മത്സരങ്ങളുടെ മറവിൽ വ്യാജ ടിക്കറ്റുകൾ വ്യാപകമായി വില്ക്കുന്നതായി പരാതി.

ഇൻസ്റ്റാഗ്രാം ഉൾപ്പെടെയുള്ള സോഷ്യൽ മീഡിയ പ്ലാറ്റ്‌ഫോമുകളിൽ ടിക്കറ്ര് ലഭ്യമാണെന്ന പേരിൽ വ്യാജ പേജുകളും പരസ്യങ്ങളും പ്രചരിക്കുകയാണ്. ടിക്കറ്റുകൾക്കായി ബന്ധപ്പെടുന്നവരെ ചാറ്റ് വഴി വിശ്വാസം നേടിയെടുത്ത് സാധാരണ നിരക്കിനേക്കാൾ ഉയർന്ന തുക ആവശ്യപ്പെടുകയാണ്. കൂടാതെ 'വി.ഐ.പി ടിക്കറ്റ്", 'ലിമിറ്റ‌ഡ് സീറ്റുകൾ" തുടങ്ങിയ കാരണങ്ങൾ പറഞ്ഞ് പണം തട്ടുകകയും ചെയ്യുന്നു.

വിശ്വാസം നേടിയെടുക്കാൻ യഥാർത്ഥ ടിക്കറ്റുകളോട് സാമ്യമുള്ള വ്യാജ ഓൺലൈൻ ടിക്കറ്റുകൾ അയക്കുകയും പണം വാങ്ങുകയും ചെയ്യും. സോഷ്യൽ മീഡിയ വഴി ലഭിക്കുന്ന ടിക്കറ്റ് ഓഫറുകളിൽ ഉടൻ വിശ്വസിക്കരുതെന്നും പൊലീസ് മുന്നറീപ്പ് നൽകുന്നു. ടിക്കറ്റുകൾ ഔദ്യോഗിക വെബ്‌സൈറ്റുകളിലൂടെയോ അംഗികൃത വില്പപ്പന പ്ലാറ്റ്ഫോമുകളിലൂടെയോ മാത്രം വാങ്ങുക.

സാധാരണ നിരക്കിനേക്കാൾ ഉയർന്ന തുക ആവശ്യപ്പെടുന്ന ഇടപാടുകളിൽ ജാഗ്രത പുലർത്തണമെന്നും അപരിചിതരുമായുള്ള ഓൺലൈൻ പണമിടപാട് ഒഴിവാക്കണമെന്നും വിദ്ധഗ്ദർ അഭിപ്രായപ്പെടുന്നു.

ഇത്തരത്തിൽ ഏതെങ്കിലും സൈബർ സാമ്പത്തിക തട്ടിപ്പിനിരയായാൽ ഉടൻ തന്നെ 1930 എന്ന സൈബർ ഹെൽപ്‌ലൈൻ നമ്പറിലോ https://cybercrime.gov.in എന്ന ദേശീയ സൈബർ ക്രൈം പോർട്ടലിലോ പരാതി നൽകണം.