പി.എസ്.സി വിജ്ഞാപനം ചെയ്ത തസ്തികകളിൽ പരീക്ഷ ഇക്കൊല്ലം

തിരുവനന്തപുരം; കേരള പബ്ലിക് സർവീസ് കമ്മിഷൻ ഇതിനകം വിജ്ഞാപനം ചെയ്തതിൽ

ആവശ്യമുള്ള തസ്തികകളിലെല്ലാം ഇക്കൊല്ലം തന്നെ പരീക്ഷ നടത്താൻ ഇന്നലെ ചേർന്ന പി.എസ്.സി യോഗം തീരുമാനിച്ചു.

മേയ്-ജൂലായ്,ജൂൺ-ആഗസ്റ്റ്, ജൂലായ്-സെപ്തംബർ, ആഗസ്റ്റ്-ഒക്‌ടോബർ, സെപ്തംബർ - നവംബർ, ഒക്‌ടോബർ - ഡിസംബർ എന്നീ 6 സ്ലോട്ടുകളായാണ് പരീക്ഷ . പരീക്ഷ സംബന്ധിച്ച വിശദവിവരങ്ങൾ പി.എസ്.സി. വെബ്‌സൈറ്റിലും, പി.എസ്.സി. ബുള്ളറ്റിനിലും രണ്ട് ദിവസത്തിനുള്ളിൽ പ്രസിദ്ധീകരിക്കും. കൂടാതെ പൊതു പ്രാഥമിക പരീക്ഷയിൽ ഉൾപ്പെടുത്താൻ കമ്മിഷൻ തീരുമാനിക്കുന്ന തസ്തികകൾക്കായി പത്താം തരം, പ്ലസ്ടു, ബിരുദതല പ്രാഥമിക പരീക്ഷകൾ ഒക്‌ടോബർ-ഡിസംബർ മാസങ്ങളിലും നടത്തും . പരീക്ഷാ തീയതി, വിശദമായ സിലബസ് തുടങ്ങിയ വിവരങ്ങൾ അതത് മാസത്തെ പരീക്ഷാ കലണ്ടറിൽ പ്രസിദ്ധീകരിക്കും .

അഭിമുഖം

മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ അനാട്ടമി (പട്ടികവർഗ്ഗം) (കാറ്റഗറി നമ്പർ 499/2022) തസ്തികയിലേക്ക് അഭിമുഖം നടത്തും.

ചുരുക്കപ്പട്ടിക

മൃഗ സംരക്ഷണ വകുപ്പിൽ ലബോറട്ടറി ടെക്നീഷ്യൻ ഗ്രേഡ് 2/ ലബോറട്ടറി അസിസ്റ്റന്റ് ഗ്രേഡ് 2 (കാറ്റഗറി നമ്പർ 162/2022), കേരള അഗ്രോ മെഷീനറി കോർപ്പറേഷൻ ലിമിറ്റഡിൽ അസിസ്റ്റന്റ് എൻജിനീയർ (കാറ്റഗറി നമ്പർ 502/2019) തസ്തികകളിലേക്ക് ചുരുക്കപ്പട്ടിക പ്രസിദ്ധീകരിക്കും.

സാദ്ധ്യതാ പട്ടിക

മെഡിക്കൽ വിദ്യാഭ്യാസ വകുപ്പിൽ റീഹാബിലിറ്റേഷൻ ടെക്നീഷ്യൻ ഗ്രേഡ് 2 (ഓർത്തോട്ടിക്സ്) (ഒന്നാം എൻ.സി.എ. ഈഴവ/തിയ്യ/ബില്ലവ) (കാറ്റഗറി നമ്പർ 492/2021), കേരള സംസ്ഥാന പിന്നാക്ക വിഭാഗ വികസന കോർപ്പറേഷൻ ലിമിറ്റഡിൽ പ്രോജക്ട് അസിസ്റ്റന്റ്/യൂണിറ്റ് മാനേജർ (കാറ്റഗറി നമ്പർ 9/2021) തസ്തികകളിലേക്ക് സാദ്ധ്യത പട്ടിക പ്രസിദ്ധീകരിക്കും

ഓൺലൈൻ പരീക്ഷ

കേരളത്തിലെ യൂണിവേഴ്സിറ്റികളിൽ സെക്യൂരിറ്റി ഓഫീസർ (കാറ്റഗറി നമ്പർ 646/2021),കിർത്താഡ്സിൽ റിസർച്ച് അസിസ്റ്റന്റ് (ലിംഗ്വിസ്റ്റിക്സ്) (കാറ്റഗറി നമ്പർ 742/2021) എന്നീ തസ്തികകളിലേക്ക് ഓൺലൈൻ പരീക്ഷ നടത്തും .

അർഹതാപട്ടിക
വിവിധ ജില്ലകളിൽ വിവിധ വകുപ്പുകളിൽ ആയ (കാറ്റഗറി നമ്പർ 21/2021) തസ്തികയിലേക്ക് അർഹത പട്ടിക പ്രസിദ്ധീകരിക്കും.