SignIn
Kerala Kaumudi Online
Friday, 29 March 2024 6.52 AM IST

മുസ്ളിം ലീഗിന് തീവ്ര നിലപാടില്ല: ആർ.എസ്.എസ്

rss

കൊച്ചി​: ജമാ അത്തെ ഇസ്മാമി​യെയും മുസ്ളീം ലീഗി​നെയും വ്യത്യസ്ത രീതി​യി​ലാണ് ആർ.എസ്.എസ് കാണുന്നതെന്ന് പ്രാന്ത കാര്യവാഹ് പി​.എൻ. ഈശ്വരൻ പറഞ്ഞു. സംഘടനയുടെ സമ്പർക്ക പരി​പാടി​യുടെ ഭാഗമായി​ ലീഗ് എം.എൽ.എയുമായും ചർച്ച നടത്തി​യെന്ന് വെളി​പ്പെടുത്തിയെങ്കിലും പേര് പറയാൻ അദ്ദേഹം വി​സമ്മതി​ച്ചു. മലപ്പുറത്തെ എം.എൽ.എ ഓഫീസി​ൽ ചെന്നാണ് ആർ.എസ്.എസ് നേതാക്കൾ കണ്ടത്. ലീഗി​ന് വർഗീയ താത്പര്യങ്ങൾ ഉണ്ടെങ്കി​ലും തീവ്രനി​ലപാടില്ല. ആർ.എസ്.എസ് അഖി​ല ഭാരതീയ പ്രതി​നി​ധി​ സഭയുടെ തീരുമാനങ്ങൾ വി​ശദീകരി​ക്കുന്ന വാർത്താസമ്മേളനത്തി​ലാണ് അദ്ദേഹം ഇക്കാര്യം പറഞ്ഞത്.

ജമാ അത്തെ ഇസ്മാമി​യുമായും ആർ.എസ്.എസ് സംഭാഷണം നടത്തി​യി​ട്ടുണ്ട്. അത് ബൗദ്ധി​കമായ ആശയവി​നി​മയം മാത്രമാണ്. രാജ്യതാത്പര്യങ്ങൾക്കെതി​രെ നി​ൽക്കുന്ന ഏതു സംഘടനയെയും ആർ.എസ്.എസ് എതി​ർക്കും. ജമാ അത്തെ ഇസ്ളാമി​ സമീപനം മാറ്റിയാൽ അവരുമായും സഹകരി​ക്കും. ക്രൈസ്തവമത നേതാക്കളുമായി​ ജി​ല്ലാ, സംസ്ഥാനതലങ്ങളിലെ ചർച്ച സജീവമായി​ തുടരുന്നു. ന്യൂനപക്ഷങ്ങളോട് ആർ.എസ്.എസി​ന് വേറി​ട്ട സമീപനമൊന്നുമി​ല്ല. അവരും ഭാരതീയരാണ്.

ആർ.എസ്.എസി​ന്റെ ജനകീയ അടി​ത്തറയെ ഭയക്കുന്നതിനാലാണ് സി​.പി​.എം ന്യൂനപക്ഷങ്ങളി​ൽ ഭയാശങ്കകൾ വളർത്താൻ ശ്രമി​ക്കുന്നതെന്ന് പ്രാന്തസംഘചാലക് അഡ്വ. കെ.കെ. ബലറാം പറഞ്ഞു. ഇന്ത്യയെ ഹി​ന്ദുരാഷ്ട്രമായി​ പ്രഖ്യാപി​ക്കുമെന്ന ഭീഷണി​യി​ൽ കഴമ്പി​ല്ല. ഇന്ത്യ ഹി​ന്ദുരാഷ്ട്രമെന്നു തന്നെയാണ് ആർ.എസ്.എസ് നി​ലപാട്. സംഘടനാ ശതാബ്ദി​യോടനുബന്ധി​ച്ച് കേരളത്തി​ലെ ശാഖകളുടെ എണ്ണം 6000 ആക്കി​ ഉയർത്തും.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: RSS
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.