തിരുവനന്തപുരം: സംസ്ഥാനത്ത് പകൽ താപനില ക്രമാതീതമായി ഉയരുന്ന സാഹചര്യത്തിൽ പുറം ജോലി സമയം ഇന്നു മുതൽ ഏപ്രിൽ 30 വരെ പുനക്രമീകരിച്ചു. ഉച്ചയ്ക്ക് 12 മുതൽ വൈകിട്ട് 3വരെ പുറം ജോലികളിൽ ഏർപ്പെടരുത്. സൂര്യാഘാത സാദ്ധ്യത കണക്കിലെടുത്താണ് തൊഴിൽ വകുപ്പിന്റെ തീരുമാനം.
ഷിഫ്റ്റ് വ്യവസ്ഥയിലാണെങ്കിൽ ഉച്ചയ്ക്ക് 12ന് അവസാനിക്കുന്ന തരത്തിലും വൈകിട്ട് 3ന് ആരംഭിക്കുന്ന തരത്തിലും പുനക്രമീകരണമെന്ന് ലേബർ കമ്മിഷണർ അറിയിച്ചു. സമുദ്രനിരപ്പിൽ നിന്ന് 3000 അടിയിൽ കൂടുതൽ ഉയരമുള്ള മേഖലകളെ ഉത്തരവിന്റെ പരിധിയിൽ നിന്ന് ഒഴിവാക്കി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |