ഐ.ആർ.ബി - പൊലീസ് കോൺസ്റ്റബിൾ എൻഡ്യൂറൻസ് ടെസ്റ്റ്: പങ്കെടുക്കാത്തവർക്ക് വീണ്ടും അവസരം

തിരുവനന്തപുരം: പൊലീസ് വകുപ്പിൽ പോലീസ് കോൺസ്റ്റബിൾ (ഐ.ആർ.ബി. കമാൻഡോ വിംഗ് ) (കാറ്റഗറി നമ്പർ 136/2022) തസ്തികയിലേക്ക് ജൂലായ് 5 മുതൽ ഈ മാസം 2 വരെ വിവിധ ജില്ലകളിൽ നടന്ന എൻഡ്യൂറൻസ് ടെസ്റ്റിന് കൊവിഡ് പോസിറ്റീവ്, വിവിധ പരീക്ഷകൾ, അസുഖം തുടങ്ങിയ കാരണങ്ങളാൽ പങ്കെടുക്കാൻ കഴിയാത്ത ഉദ്യോഗാർത്ഥികൾക്ക് 23 ന് രാവിലെ 5 ന് തിരുവനന്തപുരം ചാക്ക ഗവ. യു.പി.എസിൽ വച്ച് വീണ്ടും പരീക്ഷ നടത്തും.

ഒ.എം.ആർ. പരീക്ഷ മാറ്റിവച്ചു

കേരള വാട്ടർ അതോറിറ്റിയിൽ അസിസ്റ്റന്റ് എൻജിനീയർ (കാറ്റഗറി നമ്പർ 137/2022, 138/2022) തസ്തികയിലേക്ക് ഒക്‌ടോബർ 15 ന് നടത്താനിരുന്ന ഒ.എം.ആർ. പരീക്ഷ മാറ്റി. പരീക്ഷയുടെ വിശദമായ സിലബസിൽ മാറ്റങ്ങൾ വന്നതിനെ തുടർന്നാണിത്. പുതിയ സിലബസ് പി.എസ്.സി വെബ്‌സൈറ്റിൽ.

അഭിമുഖം

കേരള സംസ്ഥാന മലിനീകരണ നിയന്ത്രണബോർഡിൽ അസിസ്റ്റന്റ് ഗ്രേഡ് 2 (കാറ്റഗറി നമ്പർ 515/2021) തസ്തികയിലേക്ക് ആഗസ്റ്റ് 26 ന് രാവിലെ 8 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധനയും 9.30 ന് അഭിമുഖവും നടത്തും.
കേരള സംസ്ഥാന ചലച്ചിത്രവികസന കോർപ്പറേഷൻ ലിമിറ്റഡിൽ പ്രൊഡക്ഷൻ അസിസ്റ്റന്റ് (കാറ്റഗറി നമ്പർ 200/2020) തസ്തികയിലേക്ക് ആഗസ്റ്റ് 26 ന് രാവിലെ 9.30 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധനയും 11 ന് അഭിമുഖവും നടത്തും.

സർട്ടിഫിക്കറ്റ് പരിശോധന

ട്രാക്കോ കേബിൾ കമ്പനിയിലെ ഗാർഡ് - എൻ.സി.എ ഈഴവ/തിയ്യ/ബില്ലവ (കാറ്റഗറി നമ്പർ 77/2022) തസ്തികയിലേക്ക് ആഗസ്റ്റ് 26 ന് രാവിലെ 10.30 മണി മുതൽ പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.