തിരുവനന്തപുരം: ജനാധിപത്യ പുന:സ്ഥാപനത്തിന് യു.ഡി.എഫിന് വോട്ട് ചെയ്യണമെന്ന് 14 പ്രമുഖ എഴുത്തുകാരുടെ അഭ്യർത്ഥന. എം എൻ കാരശേരി, കല്പറ്റ നാരായണൻ, സി.ആർ നീലകണ്ഠൻ, ചേക്കുട്ടി, പി.സുരേന്ദ്രൻ, എം.പി മത്തായി, കെ.അരവിന്ദാക്ഷൻ, സി.വി ബാലകൃഷ്ണൻ, പി.രവി, ടി.വി.രാജൻ, വി.എം.ആർ മാർസൻ, ശ്രീവാസവൻ നായർ തുടങ്ങിയവരുടേതാണ് അഭ്യർത്ഥന.

രാജ്യത്തിന്റെ ഭരണഘടനയും ജനാധിപത്യവും മതനിരപേക്ഷതയും ബഹുസ്വരതയും ജനങ്ങളുടെ സമാധാന ജീവിതവും മോദി ഭരണകൂടത്തിൽ കടുത്ത വെല്ലുവിളി നേരിടുന്നു. അഴിമതിയും സ്വജനപക്ഷപാതവും ധൂർത്തുമാണ് സംസ്ഥാന സർക്കാരിന്റെ മുഖമുദ്ര. സാധാരണക്കാരെ ബാധിക്കുന്ന ഗുരുതര വിഷയങ്ങൾക്ക് പരിഹാരം കാണാനോ അതിനെ അഭിമുഖീകരിക്കാനോ സംസ്ഥാന സർക്കാർ തയ്യാറാകുന്നില്ല.ജനാധിപത്യ മതേതര മൂല്യങ്ങൾ ചവിട്ടിയരച്ച് പ്രകൃതി വിഭവങ്ങളും പൊതുമേഖലാ സമ്പത്തും കോർപ്പറേറ്റുകൾക്ക് കൈമാറുന്ന മോദി ഭരണകൂടത്തിനും, അനീതികൾ മാത്രം നടപ്പാക്കുന്ന സംസ്ഥാന ഭരണകൂടത്തിനും എതിരായ ജനവിധിയാവണം ഉണ്ടാകേണ്ടതെന്ന് എഴുത്തുകാർ പറയുന്നു.