പ്രഥമാദ്ധ്യാപകരെ ആദരിച്ചു

ആലപ്പുഴ: എസ്.എസ്.എൽ.സി പരീക്ഷയ്ക്ക് നൂറ് ശതമാനം വിജയം നേടിയ ആലപ്പുഴ നഗരസഭാ പരിധിയിലെ ആര്യാട് ഗവ എച്ച്.എസ്, തുമ്പോളി സെന്റ് തോമസ് എച്ച്.എസ്, സെന്റ് ജോസഫ് ഗേൾസ് എച്ച്.എസ് ,ലിയോ തേർട്ടീന്ത് എച്ച്.എസ്, ഗവ മുഹമ്മദൻസ് ബോയ്‌സ് , ഗവ മുഹമ്മദൻസ് ഗേൾസ്, ലജനത്തുൽ മുഹമ്മദിയ, സെന്റ് മേരീസ് എച്ച്.എസ് വട്ടയാൽ, തിരുവമ്പാടി ഹൈസ്കൂൾ, ടി.ഡി എച്ച്.എസ്, സെന്റ് ആന്റണീസ്, എസ്.ഡി.വി ബോയ്‌സ് , എസ്.ഡി.വി ഗേൾസ്, സെന്റ് മൈക്കിൾസ് തത്തംപള്ളി തുടങ്ങിയ പതിനാല് ഹൈസ്‌കൂളുകളിലെ പ്രഥമാദ്ധ്യാപകരെ നഗരസഭ ആദരിച്ചു. വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്‌സൺ ആർ.വിനിത, കൗൺസിലർമാരായ ബി.നസീർ, ജ്യോതി പ്രകാശ്, അദ്ധ്യാപകർ, പി.ടി.എ ഭാരവാഹികൾ തുടങ്ങിയവർ പങ്കെടുത്തു.