യുവതിയുടെ ആത്മഹത്യ: ഭർത്താവ് അറസ്റ്റിൽ

അരൂർ: ഗാർഹിക പീഡനത്തെ തുടർന്ന് യുവതി ഭർതൃഗൃഹത്തിൽ തൂങ്ങി മരിക്കാനിടയായ സംഭവത്തി​ൽ ഭർത്താവ് അറസ്റ്റിലായി​. അരൂർ ഗ്രാമപഞ്ചായത്ത് നാലാംവാർഡ് പള്ളിയറക്കാവ് കാക്കപ്പറമ്പിൽ വീട്ടിൽ കെ.എസ്. ഉണ്ണിയെ (41) ആണ് അരൂർ പൊലീസ് അറസ്റ്റ് ചെയ്തത്. ഉണ്ണിയുടെ ഭാര്യ കടക്കരപ്പള്ളി ഗ്രാമപഞ്ചായത്ത് മൂന്നാം വാർഡ് പുത്തൻപുരയ്ക്കൽ ലതിക ഉദയന്റെ മകൾ നീതുമോൾ (33) ദി​വസങ്ങൾക്ക് മുമ്പാണ് ആത്മഹത്യ ചെയ്തത്. നീതുമോളുടെ അമ്മയുടെ പരാതിയിലാണ് അന്വേഷണം നടത്തി ഉണ്ണിയെ അറസ്റ്റ് ചെയ്തത്.

2011​ലായി​രുന്നു ഉണ്ണിയുടെയും നീതുമോളുടെയും വി​വാഹം. സൗന്ദര്യം പോരെന്ന് പറഞ്ഞ് അന്ന് മുതൽ ഉണ്ണി​ നീതുവിനെ ആക്ഷേപി​ക്കുകയും മാനസികമായി പീഡിപ്പിക്കുകയും ഉപദ്രവിക്കുകയും ചെയ്തിരുന്നതായി​ പരാതി​യി​ൽ പറഞ്ഞി​രുന്നു. പലവട്ടം നീതു സ്വന്തം വീട്ടിലേക്ക് പി​ണങ്ങി​പ്പോയെങ്കി​ലും പ്രശ്നങ്ങൾ പറഞ്ഞു തീർത്ത് ഉണ്ണി​ തി​രികെക്കൊണ്ടു വന്നി​രുന്നു. കഴിഞ്ഞ ദിവസങ്ങളിൽ ഭക്ഷണം നൽകാതെയും കുട്ടികൾക്ക് സ്‌കൂളിൽ പോകുവാനുള്ള സാമഗ്രികൾ വാങ്ങി നൽകാതെയും ഉണ്ണി​ പെരുമാറി​യതി​ൽ മനം നൊന്താണ് നീതു തൂങ്ങി മരിച്ചതെന്നാണ് പരാതിയി​ലുണ്ടായി​രുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മക്കൾ : അഭിനവ് കൃഷ്ണ, ആഗിഷ് കൃഷ്ണ, അവന്തിക കൃഷ്ണ .